കോഴിക്കോട്: എസ്.കെ.എസ്.എസ്.എഫ് സന്നദ്ധ വിഭാഗമായ വിഖായയുടെ സംസ്ഥാന തല ട്രെയിനിങ് ക്യാംപ് ഇന്ന് മലപ്പുറം അത്തിപ്പറ്റയിലെ ഫത്ഹുല്‍ ഫത്താഹില്‍ നടക്കും. രാവിലെ എട്ടിന് തുടങ്ങുന്ന ക്യാംപില്‍ തിരഞ്ഞെടുക്കപ്പെട്ട പ്രതിനിധികള്‍ പങ്കെടുക്കും. ആത്മീയത, സംഘടന, ട്രോമാ കെയര്‍, സഹചാരി ഹോം കെയര്‍, വിഖായ മെഡിറ്റേഷന്‍, മയ്യിത്ത് പരിപാലനം, ഹെല്‍പ്പ് ഡെസ്‌ക്, വിഖായ സഹചാരി, ട്രാഫിക്ക് ബോധവല്‍ക്കരണം തുടങ്ങിയ സെഷനുകളായാണ് ക്യാംപ് ഒരുക്കിയിരിക്കുന്നത്.
അത്തിപ്പറ്റ മൊയിതീന്‍ കുട്ടി മുസ്്‌ലിയാര്‍, സത്താര്‍ പന്തലൂര്‍, ഡോ. അജ്മല്‍, ഡോ. ജവാദ് മോങ്ങം, ശമീം ഫൈസി മഞ്ചേരി, ശഫീഖ് ദാരിമി ചെര്‍ല, ഖാലിദ് ചെമ്മാട്, ജലീല്‍ ഫൈസി അരിമ്പ്ര, പൗലോസ് കട്ടമ്പുഴ തുടങ്ങിയവര്‍ ക്യാംപിന് നേതൃത്വം നല്‍കും.