കായംകുളം: മുസ്‌ലിം വെല്‍ഫെയര്‍ സൊസൈറ്റിയുടെ ആഭിമുഖ്യത്തില്‍ കായംകുളം ടി.എ. കണ്‍വന്‍ഷന്‍ സെന്ററില്‍ പ്രതിഭകളെ ആദരിക്കലും സിവില്‍ സര്‍വിസ് മോട്ടിവേഷന്‍ ക്ലാസും സംഘടിപ്പിക്കുന്നു.
ആറിന് വൈകിട്ട് മൂന്ന് മുതല്‍ നാല് വരെ സിവില്‍ സര്‍വിസ് പരീക്ഷ എങ്ങനെ തയ്യാറെടുക്കാം എന്ന വിഷയത്തില്‍ 2017ലെ സിവില്‍ സര്‍വിസ് പരീക്ഷാ ജേതാവ് അഫ്‌സല്‍ ഹമീദ് ക്ലാസ് നയിക്കും. നാല് മണി മുതല്‍ 4.30 വരെ കേന്ദ്രസംസ്ഥാന സര്‍വ്വീസ്: പ്രവേശനവും തയ്യാറെടുപ്പും എന്ന വിഷയത്തില്‍ കോഴിക്കോട് എന്‍.ഐ.ടി അസിസ്റ്റന്റ് പ്രൊഫസര്‍ ഡോ. അല്‍ത്താഫ് സംസാരിക്കും. അവാര്‍ഡ്ദാന സമ്മേളനം ഹൈക്കോടതി റിട്ട. ജഡ്ജ് ജസ്റ്റിസ് കമാല്‍പാഷ ഉദ്ഘാടനം ചെയ്യും.
ജസ്റ്റിസ് കമാല്‍പാഷയ്ക്ക് കായംകുളം പൗരാവലിയുടെ ഉപഹാരം എം.എസ്.എം കോളജ് ഗവേണിങ് ബോഡി ചെയര്‍മാന്‍ പി.എ ഹിലാല്‍ബാബു നല്‍കും. സിവില്‍സര്‍വിസ്, യൂനിവേഴ്‌സിറ്റി, നീറ്റ്, സെക്കന്‍ഡറി ഹയര്‍സെക്കന്റി പരീക്ഷകളില്‍ ഉന്നത വിജയം നേടിയ പ്രതിഭകളെ അവാര്‍ഡ് നല്‍കി ആദരിക്കും. പ്രസിഡന്റ് യു.എ റഷീദ് അധ്യക്ഷനാകും. പ്രൊഫ. എ. ഷാജഹാന്‍, പ്രൊഫ. അബ്ദുല്‍ റസാഖ് കുഞ്ഞ്, കെ.എച്ച് ബാബുജാന്‍, എ. ഇര്‍ഷാദ്, അഡ്വ. യു. മുഹമ്മദ്, എ.ജെ ഷാജഹാന്‍, എ. അബ്ദുല്‍ജലീല്‍, ഷമീം ചീരാമത്ത്, ഒ. അബ്ദുല്‍റഹീം സംസാരിക്കും.