തിരുവനന്തപുരം: പാര്‍ലമെന്റ് യു.ഡി.എഫ് സ്ഥാനാര്‍ഥി ശശി തരൂരിന്റെ പാര്‍ലമെന്റ് മണ്ഡല പര്യടനം ഏപ്രില്‍ ഒന്നിനു ആരംഭിക്കുമെന്ന് യു.ഡി.എഫ് തിരുവനന്തപുരം പാര്‍ലമെന്റ് കേന്ദ്ര തെരഞ്ഞെടുപ്പ് കമ്മിറ്റി ചെയര്‍മാന്‍ തമ്പാനൂര്‍ രവി അറിയിച്ചു. വട്ടിയൂര്‍ക്കാവ് മരുതംകുഴി ഉദിയന്നൂര്‍ ക്ഷേത്രത്തില്‍ നിന്നാണു പര്യടനം ആരംഭിക്കുക. ഒരു നിയമസഭാ മണ്ഡലത്തില്‍ രണ്ടു ദിവസത്തെ പര്യടനമാണു നിശ്ചയിച്ചിരിക്കുന്നത്.
രാവിലെ എട്ടിന് ആരംഭിക്കുന്ന പര്യടനം ഉച്ചയ്ക്കു മുന്‍പായി 11.30ന് അവസാനിക്കും. തുടര്‍ന്ന് ഉച്ചയ്ക്കു ശേഷം മൂന്നിന് ആരംഭിക്കുന്ന പര്യടനം രാത്രി 10ന് സമാപിക്കും. ഏപ്രില്‍ ഒന്നിനും 13നും വട്ടിയൂര്‍ക്കാവ് നിയോജക മണ്ഡലത്തിലും 7, 9, 16 തിയതികളില്‍ പാറശ്ശാലയിലും നാലിനും 14നും നെയ്യാറ്റിന്‍കരയിലും എട്ടിനും 11നും കോവളത്തും മൂന്നിനും 12നും നേമത്തും ആറിനും 16നും തിരുവനന്തപുരത്തും രണ്ടിനും പത്തിനും കഴക്കൂട്ടം മണ്ഡലത്തിലും പര്യടനം നടത്തും