തിരുവനന്തപുരം: കെ.കരുണാകരന്‍ ജീവിച്ചിരുന്നുവെങ്കില്‍ ഒരു കാരണവശാലും കേരളത്തില്‍ ബി.ജെ.പിക്ക് വേരോട്ടമുണ്ടാകുമായിരുന്നില്ലെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി.

കരുണാകരന്‍ ജീവിച്ചിരിപ്പുണ്ടായിരുന്നെങ്കില്‍ നരേന്ദ്രമോദിയും അമിത്ഷായും ഇവിടെ വന്ന് ശീര്‍ഷാസനം ചെയ്താല്‍ പോലും ഒന്നും സംഭവിക്കുമായിരുന്നില്ല. അതു കൊണ്ട് തന്നെ അദ്ദേഹത്തിന്റെ ആഗ്രഹം നിറവേറ്റാന്‍ ലോക്‌സഭാ തെരെഞ്ഞെടുപ്പില്‍ കോണ്‍ഗ്രസ് ആത്മാഭിമാനം വീണ്ടെടുക്കണം.

അദ്ദേഹവും താനും തമ്മില്‍ തര്‍ക്കമുണ്ടാകുമ്പോഴും രാഷ്ട്രീയ എതിരാളികള്‍ക്ക് നേരെ ഒറ്റ മനസോടെ തങ്ങള്‍ നീങ്ങുമായിരുന്നു. കോണ്‍ഗ്രസ് നശിച്ചെന്ന് കരുതിയ ഘട്ടത്തില്‍ തന്റെ അസാമാന്യ കരുത്ത് പുറത്തെടുത്ത് പാര്‍ട്ടിയെ തിരിച്ചു കൊണ്ടുവന്ന കരുണാകരനെ മറക്കാനാവില്ലെന്നും ആന്റണി അനുസ്മരിച്ചു.

കെ.കരുണാകരന്‍ സ്റ്റഡി സെന്റര്‍ സംഘടിപ്പിച്ച ലീഡര്‍ ജന്മശതാബ്ദി ആഘോഷം ഉദ്ഘാടനം ചെയ്യുകയായിരുന്നു ആന്റണി.