വെയ്റ്റിങ് ലിസ്റ്റില്‍ 2000 വരെയുള്ളവര്‍ പാസ്‌പോര്‍ട്ട് നല്‍കണം 

കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ തീര്‍ഥാടനത്തിന് അപേക്ഷിച്ച് വെയ്റ്റിങ് ലിസ്റ്റില്‍ ഉള്‍പ്പെട്ട 2000 വരെയുള്ളവര്‍ പാസ്‌പോര്‍ട്ടും, ഒരു പാസ്‌പോര്‍ട്ട് സൈസ് ഫോട്ടോയും ഏപ്രില്‍ എട്ടിനും 22നും ഇടയില്‍ സമര്‍പ്പിക്കണം. ഹജ്ജ് കമ്മിറ്റിയുടെ ഓഫിസില്‍ നേരിട്ടാണ് പാസ്‌പോര്‍ട്ടും ഫോട്ടോയും സമര്‍പ്പിക്കേണ്ടത്.

തെരഞ്ഞെടുക്കപ്പെടുന്നതിനനുസരിച്ച് പണമടക്കുന്നതു സംബന്ധിച്ചും മറ്റുമുള്ള വിവരങ്ങള്‍ ഇവരെ അറിയിക്കും. നിലവില്‍ മറ്റു സംസ്ഥാനങ്ങളിലെ ക്യാന്‍സലേഷന്‍ സീറ്റുകളിലും സഊദി അവസാനം പ്രഖ്യാപിച്ച ഹജ്ജ് ക്വാട്ടയിലും കൂടുതല്‍ പേര്‍ക്ക് അവസരം ലഭിച്ചേക്കും. ഇത് മുന്നില്‍ കണ്ടാണ് പാസ്‌പോര്‍ട്ട് സമര്‍പ്പിക്കാന്‍ നിര്‍ദേശിച്ചത്.