കശ്മിരില് വീണ്ടും ഏറ്റുമുട്ടല് സി.ആര്.പി.എഫ് ജവാന് വീരമൃത്യു
രണ്ടു തീവ്രവാദികളും കൊല്ലപ്പെട്ടതായി സൈന്യം
ശ്രീനഗര്: കശ്മിരില് വിവിധ പ്രദേശങ്ങളില് ഏറ്റുമുട്ടലുകള് തുടരുന്നു. ഇന്നലെ പുലര്ച്ചെ പുല്വാമയില് നടന്ന ഏറ്റുമുട്ടലില് ഒരു സി.ആര്.പി.എഫ് ജവാന് കൊല്ലപ്പെട്ടു. ശ്രീനഗറില്നിന്നു 43 കിലോമീറ്റര് മാറി പുലര്ച്ചെ 5.30ന് ആരംഭിച്ച ഏറ്റുമുട്ടലില് രണ്ടു തീവ്രവാദികളെ വധിച്ചതായും സൈന്യം വ്യക്തമാക്കുന്നുണ്ട്.
പുല്വാമയിലെ ബാന്ഡ്സൂ ഗ്രാമത്തിലാണ് ഏറ്റുമുട്ടല് നടന്നത്. പൊലിസും സൈന്യവും സംയുക്തമായി നടത്തിയ പട്രോളിങ്ങിനിടെ വെടിവയ്പുണ്ടാകുകയായിരുന്നെന്നാണ് അധികൃതര് വ്യക്തമാക്കുന്നത്. വെടിയേറ്റ ജവാനെ പരുക്കുകളോടെ ആശുപത്രിയിലെത്തിച്ചെങ്കിലും മരിക്കുകയായിരുന്നു. ഈ മാസം മാത്രം കശ്മിരില് നടന്ന വിവിധ ഏറ്റുമുട്ടലുകളില് മുപ്പതിലേറെ തീവ്രവാദികള് കൊല്ലപ്പെട്ടതായാണ് സൈന്യം വ്യക്തമാക്കുന്നത്. കഴിഞ്ഞ ദിവസങ്ങളില് നടന്ന ഏറ്റുമുട്ടലുകളില് സൈനികരും കൊല്ലപ്പെട്ടിരുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."