തിരുവനന്തപുരം: ബുദ്ധിപരമായ വെല്ലുവിളികള്‍ നേരിടുന്ന വ്യക്തികളുടെ പഠന പരിശീലന രംഗത്ത് പൊതു വിദ്യാഭ്യാസ വകുപ്പിന്റെ നിയന്ത്രണത്തില്‍ തിരുവനന്തപുരം പാങ്ങപ്പാറയില്‍ പ്രവര്‍ത്തിക്കുന്ന സി.എച്ച്. മുഹമ്മദ് കോയ മെമ്മോറിയല്‍ സ്റ്റേറ്റ് ഇന്‍സ്റ്റിറ്റ്യൂട്ട് ഫോര്‍ മെന്റലി ചലഞ്ച്ഡ്(ടകങഇ) വിവിധ റീഹാബിലിറ്റേഷന്‍ കോഴ്‌സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. ഡി.എഡ് സ്‌പെഷ്യല്‍ എഡ്യൂക്കേഷന്‍ ( മെന്റല്‍ റിട്ടാഡേഷന്‍), (ഓട്ടിസം സ്‌പെക്ട്രം ഡിസോര്‍ഡര്‍), വൊക്കേഷണല്‍ റീ ഹാബിലിറ്റേഷന്‍ എന്നീ ഡിപ്ലാമ കോഴ്‌സുകള്‍ക്കാണ് അപേക്ഷ ക്ഷണിച്ചത്. ആദ്യ രണ്ട് കോഴ്‌സുകളുടെ കാലയളവ് രണ്ട് വര്‍ഷവും ഡി.വി.ആര്‍ കോഴ്‌സിന്റെ കാലയളവ് ഒരു വര്‍ഷവുമാണ്.
അന്‍പത് ശതമാനം മാര്‍ക്കോടെ പ്ലസ്ടു ജയിച്ചവര്‍ക്ക് അപേക്ഷിക്കാം. കേന്ദ്ര സാമൂഹ്യ നീതി ശാക്തീകരണ മന്ത്രാലയത്തിന് കീഴിലെ റീഹാബിലിറ്റേഷന്‍ കൗണ്‍സില്‍ ഓഫ് ഇന്‍ഡ്യയാണ് കോഴ്‌സുകള്‍ക്ക് അംഗീകാരം നല്‍കിയിരിക്കുന്നത്. നിലവിലുള്ള സംവരണ മാനദണ്ഡങ്ങള്‍ പാലിച്ചായിരിക്കും പ്രവേശനം. അപേക്ഷാ ഫീസ് 100 രൂപ. പൂരിപ്പിച്ച അപേക്ഷകള്‍ മേയ് 20ന് മുമ്പ് ഇന്‍സ്റ്റിറ്റ്യൂട്ട് ഓഫീസില്‍ ലഭിക്കണം. അപേക്ഷകള്‍ ഓഫീസില്‍ നിന്നും. ംംം.ശൊര്ോ.ശി ല്‍ നിന്നും ലഭ്യമാണ്. ഫോണ്‍ - 0471-2418524, 64444052. 9446720173, 9895550399.