തിരുവനന്തപുരം: കൊവിഡ് കാലത്ത് രണ്ടര കിലോമീറ്റര്‍ ദൂരത്തിന് പത്തുരൂപയാക്കണമെന്നും അഞ്ച് കിലോമീറ്ററിന് 12 രൂപയാക്കണമെന്നുമുള്ള രാമചന്ദ്രന്‍ കമ്മിഷന്റെ നിര്‍ദേശവും സര്‍ക്കാര്‍ സ്വീകരിച്ചില്ലെന്ന് ഗതാഗത മന്ത്രി എ.കെ ശശീന്ദ്രന്‍ വ്യക്തമാക്കി.
ബസ് ചാര്‍ജ് വര്‍ധന തീരുമാനിക്കുന്നതിനു നിയോഗിച്ച രാമചന്ദ്രന്‍ കമ്മിഷന്റെ അന്തിമ റിപ്പോര്‍ട്ട് ലഭിക്കുന്ന മുറയ്ക്ക് സംസ്ഥാനത്ത് ബസ് ചാര്‍ജ് വര്‍ധന തീരുമാനിക്കും. പ്രതിസന്ധി കാലത്ത് ബസ് സര്‍വിസ് മേഖല നടത്തിക്കൊണ്ടു പോകുന്നതിന് സഹായകമാകുന്ന തരത്തിലുള്ള തീരുമാനമാണ് സര്‍ക്കാര്‍ കൈക്കൊണ്ടത്. ഓട്ടോ, ടാക്‌സി നിരക്ക് വര്‍ധന ഇപ്പോള്‍ പരിശോധിച്ചിട്ടില്ല.
ചാര്‍ജ് വര്‍ധനയുടെ കാര്യത്തില്‍ സ്വകാര്യ ബസ് ഉടമകളുടെ ആവശ്യം വലുതായിരുന്നു. അവര്‍ സര്‍ക്കാരുമായി സഹകരിക്കുമെന്നാണ് കരുതുന്നത്. ബസ് ഓടിക്കാനുള്ള സാഹചര്യം സൃഷ്ടിക്കുകയാണ് ചാര്‍ജ് വര്‍ധിപ്പിക്കാനുള്ള തീരുമാനത്തിലൂടെ ചെയ്തിരിക്കുന്നതെന്നും മന്ത്രി പറഞ്ഞു.