വൈക്കം: കാലടി ശ്രീശങ്കരാചാര്യ സംസ്‌കൃത സര്‍വകലാശാലയുടെ ആഭിമുഖ്യത്തില്‍ വൈക്കം ബോയ്‌സ് ഹയര്‍ സെക്കന്ററി സ്‌ക്കൂളില്‍ വച്ച് നടത്തുന്ന ത്രിദിന കൂടിയാട്ട ആസ്വാദന പരിശീലന ശില്‍പശാല ഇന്ന് ആരംഭിക്കും.
രാവിലെ പത്തിന് സി.കെ ആശ എം.എല്‍.എ ഉദ്ഘാടനം നിര്‍വഹിക്കും. തുടര്‍ന്ന് സംസ്‌കൃത സര്‍വകലാശാല അധ്യാപകന്‍ ഡോ. വേണുഗോപാല്‍ അവതരിപ്പിക്കുന്ന ഡെമോണ്‍സ്‌ട്രേഷന്‍, പെര്‍ഫോമന്‍സ് നടക്കും.
നാളെ ഉഷ നങ്ങ്യാറും, 26ന് മാര്‍ഗി മധുവും അവതരിപ്പിക്കുന്ന ഡെമോണ്‍സ്‌ട്രേഷന്‍, പെര്‍ഫോമന്‍സ്  രാവിലെ 10 മുതല്‍ വൈകുന്നേരം നാല് വരെ നടക്കും.