കയ്പമംഗലം: കോളജ് ഓഫ് ഇസ്‌ലാമിക് കോര്‍ഡിനേഷന്റെ നേതൃത്വത്തില്‍ അറുപതില്‍പരം കോളജുകളിലേക്ക് നടക്കുന്ന പ്രവേശന പരീക്ഷയുടെ മുന്നോടിയായി എസ്.കെ.എസ്.എസ്.എഫ് ജില്ലാ ട്രന്റ് സമിതിയുടെയും എം.ഐ സി. കയ്പമംഗലം യൂനിറ്റിന്റെയും സംയുക്താഭിമുഖ്യത്തില്‍ എന്‍ട്രന്‍സ് കോച്ചിങ് നടത്തി. കയ്പമംഗലം എം.ഐ.സി യില്‍ നടന്ന പരിപാടി സമസ്ത കേരള ജംഇയ്യത്തുല്‍ മുഅല്ലിമീന്‍ മതിലകം റെയ്ഞ്ച് ജനറല്‍ സെക്രട്ടറി സി.എച്ച്.എം.ഫൈസല്‍ ബദ്‌രി ഉദ്ഘാടനം ചെയതു.
എം.ഐ.സി അസി: മാനേജര്‍ എ.വി.അബൂബക്കര്‍ മൗലവി അധ്യക്ഷനായി. എസ്.കെ.എസ്.എസ്.എഫ്. സംസ്ഥാന ഉപാധ്യക്ഷന്‍ അഡ്വ: ഓണംപിള്ളി മുഹമ്മദ് ഫൈസി കോഴ്‌സിനെ പരിചയപ്പെടുത്തി സംസാരിച്ചു.
എസ്.കെ.എസ്.എസ്.എഫ് ജില്ലാ സെക്രട്ടറി ശഹീര്‍ ദേശമംഗലം, ട്രഷറര്‍ മഅ്‌റൂഫ് വാഫി, ട്രെന്റ് ജില്ലാ ചെയര്‍മാന്‍ ശാഹുല്‍ പഴുന്നാന, എം.ഐ.സി. കേന്ദ്ര സെക്രട്ടറി പി.എ.സെയ്തുമുഹമ്മദ് ഹാജി, ഉണ്ണി മുഹമ്മദ് ഹാജി, സ്വദഖതുല്ല മാസ്റ്റര്‍, റഷീദ്, പി.എം മജീദ്, എസ്.വൈ.എസ് മണ്ഡലം സെക്രട്ടറി മുബാറക്, കെ.എ റഷീദ്, ബഷീര്‍ പുന്നിലത്ത്, സകരിയ്യ വാഫി, ഹമീദ് പി.എസ്, യു.വൈ അബ്ബാസ്  എന്നിവര്‍ സംസാരിച്ചു.