ധാക്ക: സാക്കിര്‍ നായിക്കിന്റെ പീസ് മൊബൈലും ബംഗ്ലാദേശില്‍ നിരോധിച്ചു. ഇസ്‌ലാമിക മൊബൈല്‍ എന്ന പേരില്‍ ബെക്‌സിംകോ ഗ്രൂപ്പാണ് ഇവ ബംഗ്ലാദേശില്‍ ഇറക്കുമതി ചെയ്തിരുന്നത്. സാക്കിര്‍ നായികിനു പ്രചാരം കൊടുക്കുന്നതു തടയുകയാണ് ലക്ഷ്യമെന്നും ബംഗ്ലാദേശ് ടെലികോം റെഗുലേറ്ററി അതോറിറ്റി ചെയര്‍മാന്‍ ഷാജഹാന്‍ മഹ്്മൂദ് പറഞ്ഞു.
സാക്കിര്‍ നായികിന്റെ പീസ് ടി.വി ബംഗ്ലാദേശില്‍ കഴിഞ്ഞ ദിവസം നിരോധിച്ചിരുന്നു. ഓണ്‍ലൈനിലും പീസ് ടി.വി നിരോധിച്ചിട്ടുണ്ട്. ഇസ്്‌ലാമിക് മൊബൈല്‍ എന്ന പേരില്‍ ഇറക്കിയ ഹാന്‍ഡ്‌സെറ്റില്‍ പീസ് ടി.വി ഇന്റര്‍നെറ്റ് വഴി ലഭ്യമാകുമായിരുന്നു. ഇംഗ്ലീഷ്, ഹിന്ദി, ഉറുദു ഭാഷകള്‍ക്കൊപ്പം ഖുര്‍ആന്‍ ആപ്, ഇസ്‌ലാമിക് വാള്‍പേപ്പര്‍, നിസ്്കാര സമയ റിമൈന്‍ഡര്‍ എന്നിവ ഓപറേറ്റിങ് സിസ്റ്റത്തോടൊപ്പം ഉള്‍പ്പെടുത്തിയിരുന്നു.