ജിദ്ദ: മലപ്പുറം പൂക്കോട്ടൂര്‍ തടപ്പറമ്പ് പരേതനായ കണ്ണൻതൊടി മുഹമ്മമദിൻ്റെ മകൻ കെ.ടി ഫിറോസ് ബാബു (40) മസ്തിഷ്‌കാഘാതംമൂലം ജിദ്ദയില്‍ മരിച്ചു. ദേഹാസ്വാസ്ഥ്യത്തെത്തുടര്‍ന്ന് ജിദ്ദ ജാമിഅ കിംഗ് അബ്ദുല്‍ അസീസ് ആശുപത്രിയില്‍ പ്രവേശിപ്പിച്ചുവെങ്കിലും രക്ഷിക്കാനായില്ല.

രണ്ടു ദിവസം മുന്‍പ് ശാരീരിക പ്രയാസം അനുഭവപ്പെട്ടതിനെത്തുടര്‍ന്ന് സ്വകാര്യ ആശുപത്രിയില്‍ ചികിത്സ തേടിയിരുന്നു. 14 വര്‍ഷമായി ജിദ്ദയിലുള്ള ഫിറോസ് ഓയില്‍ സപ്ലൈ ജോലിയാണ് ചെയ്തിരുന്നത്. മാതാവ്: ആയിഷ. ഭാര്യ: സെലീന. മക്കള്‍: മുഹമ്മദ് ഫര്‍സിന്‍, മുഹമ്മദ് ഫായിസ്, മുഹമ്മദ് ഫയാന്‍.