ഗുരുവായൂര്‍: പ്രൈവറ്റ് ബസ് സ്റ്റാന്‍ഡില്‍ നിയന്ത്രണം വിട്ട ബസ് മതിലിലിടിച്ച് അപകടം. മതിലിനു സമീപം നിന്നിരുന്ന തമിഴ്‌നാട് സ്വദേശി ഖലീര്‍ (80)നാണ് പരുക്കേറ്റത്. തലക്ക് പരുക്കേറ്റ ഇയാളെ ആക്ട്‌സ് പ്രവര്‍ത്തകര്‍ മുതുവട്ടൂര്‍ രാജ ആശുപത്രിയില്‍ പ്രവേശിപ്പിച്ചു.
ഇന്നലെ രാവിലെ 9.20നാണ് അപകടമുണ്ടായത്. സ്റ്റാന്‍ഡിന്റെ പടിഞ്ഞാറുഭാഗത്ത് പാര്‍ക്ക് ചെയ്തിരുന്ന ദേവ ബസ് മുന്‍നിരയിലേക്ക് കയറ്റാന്‍ മുന്നോട്ടെടുത്തപ്പോഴാണ് നിയന്ത്രണം വിട്ടത്. ബസില്‍ യാത്രക്കാരില്ലാതിരുന്നതും മറ്റു ബസുകള്‍ വരാതിരുന്നതും കൂടുതല്‍ ദുരന്തം ഒഴിവാക്കി.