കിനാലൂര്‍: ബാലുശേരി കിനാലൂരില്‍ മദ്യലഹരിയില്‍ എത്തിയ അച്ഛന്‍ മകനെ കൊലപ്പെടുത്തി. അരയിടത്ത് വയല്‍ വേണുവിന്റെ മകന്‍ അലന്‍ വേണു (17) ആണ് ദാരുണമായി കൊല്ലപ്പെട്ടത്. ഇന്നലെ രാത്രി 11:30 യോടെ മദ്യപിച്ച് വീട്ടില്‍ എത്തിയ വേണു ഭാര്യയുമായി വാക്ക് തര്‍ക്കമുണ്ടാവുകയും അടിയില്‍ കലാശിക്കുകയുമായിരുന്നു.

അമ്മയെ ഉപദ്രവിക്കുന്നത് കണ്ട് തടയാന്‍ ശ്രമിച്ച മകനെ പിടിച്ച് തളളിയപ്പോള്‍ തല ഭിത്തിയില്‍ ഇടിക്കുകയായിരുന്നു. ബാലുശേരി ഗവ.ഗേള്‍സ് ഹയര്‍സെക്കന്ററി സ്‌കൂളിലെ പ്ലസ് ടു വിദ്യാര്‍ത്ഥിയാണ്.

അമ്മ :മിനി, അനു വേണു,അലീന എന്നിവര്‍ സഹോദരങ്ങളാണ്. വേണുവിനെ ബാലുശേരി പൊലിസ് അറസ്റ്റ് ചെയ്തു.

പ്രതിയെ കൊവിഡ് ടെസ്റ്റിനായി താമരശ്ശേരി കൊവിഡ് സെന്ററിലേക്ക് മാറ്റിയിരിക്കുകയാണ്. മൃതദേഹം പോസ്റ്റ്‌മോര്‍ട്ടം കഴിഞ്ഞ് മെഡിക്കല്‍കോളജില്‍ സൂക്ഷിച്ചിരിക്കുകയാണ്. കൊവിഡ് ടെസ്റ്റ് റിസള്‍ട്ട് കിട്ടിയ ശേഷം ബന്ധുക്കള്‍ക്ക് വിട്ട് കൊടുക്കും.