ശാസ്താംകോട്ട: ഫോര്‍മാലിന്‍ കലര്‍ന്ന മത്സ്യം പിടികൂടി. ശാസ്താംകോട്ട ആഞ്ഞിലിമൂട്ടില്‍ പ്രവര്‍ത്തിക്കുന്ന ചന്തയില്‍ നിന്നാണ് മത്സ്യം പിടികൂടിയത്.
പരാതിയുടെ അടിസ്ഥാനത്തില്‍ ശാസ്താംകോട്ട ഫുഡ് സേഫ്റ്റി ഓഫിസര്‍ എസ്.ആര്‍ റസീമയുടെ നേതൃത്വത്തിലുള്ള സംഘം പരിശോധന കിറ്റ് ഉപയോഗിച്ച് നിരീക്ഷിച്ചപ്പോഴാണ് ഫോര്‍മലിന്റെ സാനിധ്യം ശ്രദ്ധയില്‍പെട്ടത്. വില്‍പനക്ക് വെച്ചിരുന്ന ചാള, ചെങ്കലവ തുടങ്ങിയ മത്സ്യങ്ങളിലാണ് നിരീക്ഷണ ഫലം പോസിറ്റീവ് ആയത്. അത്തരം മത്സ്യങ്ങള്‍ മാറ്റാന്‍ നിര്‍ദേശിച്ചെങ്കിലും വ്യാപാരികള്‍ മാറ്റാന്‍ തയാറായില്ല.
തുടര്‍ന്ന് ശാസ്താംകോട്ട പൊലിസ് എത്തിയാണ് മാറ്റിച്ചത്. എന്നാല്‍ ബോട്ടില്‍ കൊണ്ടുവന്ന മത്സ്യം വാടി കടപ്പുറത്ത് നിന്നും നേരിട്ട് വാങ്ങിയതാണെന്നും അതില്‍ കൃത്രിമം കാട്ടിയട്ടില്ലെന്നും വ്യാപാരികള്‍ പറയുന്നു.
ബോട്ടില്‍ വെച്ച് തന്നെ ഇത്തരം രാസ വസ്തുക്കള്‍ ഉപയോഗിക്കുന്നതായിരിക്കാം എന്നും സംശയിക്കപ്പെടുന്നു.