HOME
DETAILS

മെഡിക്കല്‍ പ്രവേശനം: പട്ടിക വിഭാഗക്കാരില്‍ നിന്ന് ഫീസ് ഈടാക്കരുത്

  
backup
July 13 2018 | 19:07 PM

%e0%b4%ae%e0%b5%86%e0%b4%a1%e0%b4%bf%e0%b4%95%e0%b5%8d%e0%b4%95%e0%b4%b2%e0%b5%8d%e2%80%8d-%e0%b4%aa%e0%b5%8d%e0%b4%b0%e0%b4%b5%e0%b5%87%e0%b4%b6%e0%b4%a8%e0%b4%82-%e0%b4%aa%e0%b4%9f%e0%b5%8d

 


തിരുവനന്തപുരം: മെഡിക്കല്‍ പ്രവേശനം ലഭിച്ച പട്ടികജാതി-പട്ടികവര്‍ഗ വിദ്യാര്‍ഥികളില്‍ നിന്ന് കോളജ് അധികൃതര്‍ ഫീസ് ഈടാക്കരുതെന്ന് സ്വാശ്രയ കോളേജ് മാനേജ്‌മെന്റുകള്‍ക്ക് പട്ടികജാതി-പട്ടികഗോത്രവര്‍ഗ കമ്മിഷന്‍.
കീമിന്റെ മെഡിക്കല്‍ റാങ്ക് പ്രകാരം എം.ബി.ബി.എസിന് അലോട്ട്‌മെന്റ് ലഭിച്ച പട്ടികജാതി-പട്ടികവര്‍ഗ വിദ്യാര്‍ഥികളുടെ പഠന ഫീസും ഇതര ഫീസുകളും നല്‍കുന്നത് സര്‍ക്കാരാണ്. ഇതിനു വിരുദ്ധമായി ഈ വിഭാഗത്തില്‍പ്പെട്ട വിദ്യാര്‍ഥികളോട് ഫീസിനത്തില്‍ വന്‍ തുക അടക്കുവാന്‍ സ്വാശ്രയ കോളജ് മാനേജ്‌മെന്റുകള്‍ ആവശ്യപ്പെടുന്നതായി പട്ടികജാതി-പട്ടികഗോത്രവര്‍ഗ കമ്മിഷനു വ്യാപകമായ പരാതികളും ആക്ഷേപങ്ങളും ലഭിച്ച സാഹചര്യത്തിലാണ് നിര്‍ദ്ദേശം.
അതതു കോളജുകള്‍ക്ക് പട്ടികജാതി വകുപ്പില്‍ നിന്ന് ഫീസ് തുക അവകാശപ്പെടാം. വിദ്യാര്‍ഥികളെയും രക്ഷകര്‍ത്താക്കളെയും ഭീഷണിപ്പെടുത്തി അനധികൃതമായി ഫീസ് ഈടാക്കുന്നതും ഫീസ് അടച്ചിട്ടില്ല എന്ന കാരണം പറഞ്ഞ് പട്ടികജാതി-പട്ടികവര്‍ഗ വിദ്യാര്‍ഥികള്‍ക്ക് കോളജ് പ്രവേശനം നിഷേധിക്കുന്നതും പട്ടികജാതിക്കാര്‍ക്കെതിരേയുള്ള അതിക്രമമായി പരിഗണിക്കുമെന്നും കമ്മിഷന്‍ അറിയിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."