ചക്കരക്കല്‍: ബസ് സ്റ്റാന്‍ഡിനു സമീപമുള്ള പൊതു കിണര്‍ കാടു കയറിനശിക്കുന്നു. നഗരത്തിലെ  നിരവധി ഹോട്ടലുകളും മറ്റു സ്ഥാപങ്ങളും വെള്ളമെടുക്കുന്നതു ഈ കിണറില്‍ നിന്നുമാണ്.
 മരങ്ങളുടെ ഇലകള്‍ വീണു ഇതിലെ വെള്ളം മലിനമായ അവസ്ഥയിലാണുള്ളത്. കിണറിന്റെ സംരക്ഷണത്തിന് പണിത ഇരുമ്പുവലയില്‍ പാഴ്‌വള്ളികള്‍ പടര്‍ന്ന നിലയിലാണ്. ശുദ്ധ ജലത്തിന് നിരവധി പേര്‍ ആശ്രയിക്കുന്ന കിണറിന്റെ നവീകരണ പ്രവര്‍ത്തനങ്ങള്‍ നടത്തിയിട്ടില്ല.
ചെമ്പിലോട് പഞ്ചായത്തിന്റെ അധീനതയിലാണ് കിണര്‍. കിണറിന്റെ അറ്റകുറ്റ പണികള്‍ നടത്തണമെന്ന ആവശ്യം നാട്ടുകാരില്‍ ശക്തമാണ്.