കാസര്‍കോട്: കളനാട് പള്ളിക്കു സമീപത്തെ മുഹമ്മദ് സിറാജി (32)നെ കുത്തേറ്റ് ഇ.കെ നായനാര്‍ സ്മാരക ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ ഏഴിനു കളനാട്ടെ പറമ്പിലേക്കു നടന്നുപോകുമ്പോള്‍ അയല്‍ക്കാരനായ ഖത്തര്‍ ബഷീറാണു കുത്തിയതെന്ന് ആശുപത്രിയില്‍ കഴിയുന്ന സിറാജ് പറയുന്നു.
ഡ്രാഫ്റ്റ്മാനായ മുഹമ്മദ് സിറാജിനു വലതുകൈക്ക് സ്വാധീന കുറവുണ്ട്. വലതുകൈക്കും കഴുത്തിനും വെട്ടേറ്റ മുഹമ്മദ് സിറാജ് നിലവിളിച്ചു കൊണ്ട് ഓടി രക്ഷപ്പെടുകയായിരുന്നു.
മതില്‍ കെട്ടുന്നത് സംബന്ധിച്ച് അയല്‍ക്കാരനായ ബഷീറുമായി മുഹമ്മദ് സിറാജ് നേരത്തെ തര്‍ക്കമുണ്ടായിരുന്നുവത്രെ. നിരന്തരം ഭീഷണിയുള്ളതിനാല്‍ മതില്‍ കെട്ടാനായി കോടതിയില്‍ നിന്ന് അനുകൂല വിധി സമ്പാദിച്ചിരുന്നു. കുടിവെള്ളം എടുത്തതുമായി ബന്ധപ്പെട്ടും ഇരുവരും തമ്മില്‍ തര്‍ക്കമുണ്ടായിരുന്നതായി പറയുന്നു.