മലപ്പുറം: രൂക്ഷമായ കടല്‍ക്ഷോഭത്തില്‍ ജീവിതോപാധികള്‍ നഷ്ടപ്പെട്ട തീരദേശ ജനതക്ക് അര്‍ഹമായ നഷ്ടപരിഹാരം നല്‍കാന്‍ സര്‍ക്കാര്‍ തയാറാകണമെന്ന് ഡി.സി.സി പ്രസിഡന്റ് വി.വി പ്രകാശ് ആവശ്യപ്പെട്ടു. ജില്ലയിലെ പ്രധാന തീരദേശമേഖലയായ കൂട്ടായി അഴിമുഖത്ത് കോടിക്കണക്കിന് രൂപയുടെ നാശനഷ്ടമാണ് കടല്‍ക്ഷോഭം മൂലമുണ്ടായിരിക്കുന്നത്.
കൂട്ടായിയില്‍ എട്ട് വള്ളങ്ങള്‍ പൂര്‍ണമായും നശിച്ചു. കടല്‍ക്ഷോഭം കാരണം പട്ടിണിയുടെ പിടിയിലാണ് തീരദേശ മേഖല.
തീരദേശമേഖലയില്‍ സര്‍ക്കാര്‍ സംവിധാനങ്ങള്‍ ഉണര്‍ന്നു പ്രവര്‍ത്തിക്കേണ്ട സമയം അതിക്രമിച്ചിരിക്കുന്നും മന്ത്രിമാര്‍ അടക്കമുള്ളവര്‍ രംഗത്തിറങ്ങി പ്രശ്‌നങ്ങള്‍ പരിഹരിക്കാന്‍ നേതൃത്വം നല്‍കണമെന്നും ഡി.സി.സി പ്രസിഡന്റ് വാര്‍ത്താക്കുറിപ്പില്‍ ആവശ്യപ്പെട്ടു.