തിരുവനന്തപുരം: ആദ്യ നിയമസഭയുടെ അറുപതാം വാര്‍ഷികാഘോഷങ്ങളുടെ ഭാഗമായി ഇന്ന് സഭ ചേര്‍ന്നത് പഴയ നിയമസഭാഹാളില്‍.

ആദ്യ നിയമസഭാ സമ്മേളന അനുസ്മരണത്തിന്റെ ഭാഗമായി പുഷ്പാര്‍ച്ചന നടത്തിയാണ് സഭ നടപടിക്രമങ്ങളിലേക്ക് കടന്നത്.

പുതിയ നിയമസഭാ മന്ദിരത്തിനു മുന്നിലെ മഹാത്മാ ഗാന്ധി, അംബേദ്കര്‍, നെഹ്‌റു,ഇ.എം.എസ് പ്രതിമകള്‍ക്കു മുന്നില്‍ പുഷ്പാര്‍ച്ചന നടത്തി അംഗങ്ങള്‍ പഴയ സഭയിലെത്തി.

എന്നാല്‍ ഇ.എം.എസ് പ്രതിമയിലെ പുഷ്പാര്‍ച്ചന പ്രതിപക്ഷം ബഹിഷ്‌കരിച്ചു.

കൃത്യം 8.30 നു സഭ തുടങ്ങി. ചോദ്യോത്തര വേള 9.30 നു തന്നെ പൂര്‍ത്തിയായി. സ്‌കൂളുകളില്‍ മലയാളം നിര്‍ബന്ധമാക്കുന്ന ബില്‍ സമ്മേളനത്തില്‍ അവതരിപ്പിക്കും.

1957 ഏപ്രില്‍ 27നാണ് കേരളത്തിലെ ആദ്യ നിയമസഭാ സമ്മേളനം നടന്നത്. അന്ന് ഇ.എംഎസ് നമ്പൂതിരിപ്പാടായിരുന്നു മുഖ്യമന്ത്രി. പി.ടി. ചാക്കോ ആയിരുന്നു പ്രതിപക്ഷ നേതാവ്.