കോതമംഗലം: പിണ്ടിമന പഞ്ചായത്തിലെ ആയപ്പാറ പാടശേഖര സംരക്ഷണ പദ്ധതിക്ക് ഒരു കോടി 24 ലക്ഷം രൂപ അനുവദിച്ചതായി ആന്റണി ജോണ്‍ എം.എല്‍.എ. നബാര്‍ഡിന്റെ ആര്‍.ഐ.ഡി.എഫ് 22 പദ്ധതിയില്‍ ഉള്‍പ്പെടുത്തിയാണ് തുക അനുവദിച്ചിരിക്കുന്നത്. പാടശേഖര സംരക്ഷണത്തിന്റെ ഭാഗമായി ചെറിയ തോടുകള്‍ കോണ്‍ക്രീറ്റ് ചെയ്ത് സംരക്ഷിക്കും. വലിയതോടുകളുടെ ഇരുവശവും സി.ആര്‍ വര്‍ക്ക് ചെയ്ത് കെട്ടി സംരക്ഷിക്കും.കൃഷിക്കാവശ്യമായ ജലം ലഭ്യമാക്കുന്നതിനുള്ള കുളം നിര്‍മിക്കുന്നതിനും തുക വകയിരുത്തിയിരിക്കുന്നത്. ചെലവഴിക്കുന്ന തുകയുടെ 95 ശതമാനവും സബ്‌സിഡിയാണ്. 100 ലധികം വരുന്ന പാട ശേഖരസമിതിയംഗങ്ങള്‍ക്കും ഗുണഫലം ലഭിക്കും.