വൈക്കം: കേരളത്തിലെ പൊതുവിദ്യാഭ്യാസ മേഖലയെ ഹൈടെക് സംവിധാനങ്ങളോടെ ലോകനിലവാരത്തിലേക്ക് ഉയര്‍ത്തുമെന്ന് മന്ത്രി ജി.സുധാകരന്‍. 

വൈക്കം ഗവണ്‍മെന്റ് ഗേള്‍സ് ഹയര്‍സെക്കന്ററി സ്‌കൂളില്‍ ഒന്നര രൂപ ചെലവില്‍ നിര്‍മിച്ച സ്‌കൂള്‍ കെട്ടിടം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വൈക്കം താലൂക്ക് ആശുപത്രിയിലെയും കോട്ടയം ജില്ലാ ആശുപത്രിയിലെയും കെട്ടിടങ്ങളുടെ പുനര്‍നിര്‍മാണത്തിന് 24 കോടി രൂപ അനുവദിച്ചിട്ടുണ്ട്. താലൂക്ക് ആശുപത്രിയില്‍ കാഷ്വാലിറ്റി വിഭാഗത്തിന്റെ വികസനത്തിന് 85 ലക്ഷം രൂപയും മോര്‍ച്ചറി നിര്‍മാണത്തിന് 30 ലക്ഷം രൂപയും അനുവദിച്ചിട്ടുണ്ടെന്നും അദ്ദേഹം പറഞ്ഞു.
റോഡുകളുടെയും പാലങ്ങളുടെയും വികസനത്തിനും ആവശ്യമായ ഫണ്ടുകള്‍ വിനിയോഗിക്കുമെന്നും മന്ത്രി കൂട്ടിച്ചേര്‍ത്തു. സി.കെ ആശ എം.എല്‍.എ. അധ്യക്ഷയായി. യോഗത്തില്‍ സൂപ്രണ്ടിങ് എഞ്ചിനീയര്‍ എം.അന്‍സാര്‍ റിപ്പോര്‍ട്ട് അവതരിപ്പിച്ചു.
സ്‌കൂള്‍ പ്രിന്‍സിപ്പാള്‍ വി.പി ശ്രീദേവി, പി.ടി.എ പ്രസിഡന്റ് എം.ഗോപാലകൃഷ്ണന്‍, നഗരസഭ വൈസ് ചെയര്‍പേഴ്‌സണ്‍ നിര്‍മലാ ഗോപി, ജി.ശീകുമാരന്‍ നായര്‍, ഡി.രഞ്ജിത്ത് കുമാര്‍, കെ.അരുണന്‍, എം.ഡി ബാബുരാജ്, അക്കരപ്പാടം ശശി, എം.ആര്‍ സുനിമോള്‍, പി.കെ ഹരിദാസ്, ജയചന്ദ് എന്നിവര്‍ പ്രസംഗിച്ചു.