പേരാമ്പ്ര: ശിവശക്തി കളരി സംഘം 12-ാം വാര്‍ഷികാഘോഷ പരിപാടികള്‍ നാളെ  പേരാമ്പ്ര ജി.യു.പി സ്‌കൂളില്‍ വച്ച് നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
മൂന്നിനു  നടക്കുന്ന സെമിനാര്‍ മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്യും. വൈകിട്ട്ആറിനു വാര്‍ഷികാഘോഷ പരിപാടികളുടെ ഉദ്ഘാടനം മന്ത്രി ടി.പി രാമകൃഷ്ണന്‍ നിര്‍വഹിക്കും. പേരാമ്പ്ര പഞ്ചായത്ത് പ്രസിഡന്റ് കെ.എം റീന അധ്യക്ഷയാകും. പത്മശ്രീ മീനാക്ഷി ഗുരുക്കള്‍ മുഖ്യാതിഥിയായി സംബന്ധിക്കും. ഡോ. കെ.സി വിജയരാഘവന്‍, പ്രൊഫ. എം.കെ പീതാംബരന്‍, ഡോ. എ.വിജയന്‍, ഡോ. അരുണ്‍ ചെമ്മാട്ട് എന്നിവര്‍ സംബന്ധിക്കും. തുടര്‍ന്ന് ശിവശക്തി കളരി സംഘം അവതരിപ്പിക്കുന്ന കളരിപ്പയറ്റ് പ്രദര്‍ശനം അരങ്ങേറും. സംഘാടകരായ ബി.ടി മജീന്ദ്രന്‍ ഗുരുക്കള്‍, ആര്‍.കെ രജീഷ്, എന്‍. ശ്രീലേഷ്, കെ. പ്രദീപന്‍, അഡ്വ. അബ്ദുല്‍ ജലീല്‍ ഓണത്ത് വാര്‍ത്താ സമ്മേളനത്തില്‍ പങ്കെടുത്തു.