കക്കട്ടില്‍: നരിപ്പറ്റ പഞ്ചായത്തിലെ ഉറിതൂക്കി മലയില്‍ വീണ്ടും കാട്ടാനശല്യം. വ്യാപകമായ തോതില്‍ കൃഷി നശിപ്പിച്ചു. ഇന്നലെ രാത്രിയാണ് ആനയും കുട്ടിയും ഇറങ്ങി കാര്‍ഷിക വിളകള്‍ നശിപ്പിച്ചത്.
 അന്‍പതോളം തെങ്ങുകളും നിരവധി കവുങ്ങുകളും പാകമായ നൂറിലധികം വാഴകളുമാണ്  ഒറ്റരാത്രി കൊണ്ട് നശിപ്പിക്കപ്പെട്ടത്. നരിപ്പറ്റ  പഞ്ചായത്ത് മെംബര്‍ പാലോല്‍ കുഞ്ഞമ്മദ്, ഉറിതൂക്കി ശശി, ചാരുമ്മല്‍ നാണു, കുനിയില്‍ രാജീവന്‍, എടോനി അശോകന്‍, മേനാരത്ത് പ്രദീപന്‍ എന്നിവരുടെ കൃഷിഭൂമിയിലാണ് കാട്ടാന താണ്ഡവമാടിയത്.