ആനക്കര: വേനല്‍ ചൂടില്‍ മാളങ്ങളില്‍നിന്ന് പാമ്പുകള്‍ പുറത്തേക്ക്. കൂറ്റനാട് കുന്നത്ത് രാമന്റെ വീടിന്റെ മുറ്റത്ത് ശനിയാഴ്ച്ച രാവിലെയാണ് അഞ്ച് പാമ്പിന്‍കുഞ്ഞുങ്ങളെ ഒന്നിച്ച് കണ്ടത് തുടര്‍ന്ന് വീട്ടുകാര്‍ നടത്തിയ തിരച്ചിലില്‍ വീടിനോട് ചേര്‍ന്നുള്ള മണ്ണിന്റെ തിട്ടിനുള്ളില്‍ പൊത്തിനുള്ളിലായി പാമ്പിന്‍ കുഞ്ഞുങ്ങളെ വീണ്ടും കാണുകയായിരുന്നു. തുടര്‍ന്ന് കൈപ്പുറം അബ്ബാസെത്തി പാമ്പിനെയും കുഞ്ഞുങ്ങളെയും പിടികൂടി.
മണ്ണൂലി പാമ്പ് പൂഴിമണലി എന്നിങ്ങനെ പേരുള്ള പാമ്പാണിത്. പ്രസവിക്കുന്ന ഇനത്തില്‍പ്പെട്ട പാമ്പ് കൂടിയാണിത്. കണ്ടാല്‍ അണലിയെ പോലെ തോന്നുമെങ്കിലും ഇതിന്റെ കടിയേറ്റാല്‍ ഒരിക്കലും ചികിത്സയുടെ ആവശ്യമില്ല.