വാദീഖുബാ (ദേശമംഗലം): കേരളത്തില്‍ മാതൃകാപരമായി പ്രവര്‍ത്തിക്കുന്ന മികച്ച മഹല്ലിനെ കണ്ടെത്തി പുരസ്‌കാരം നല്‍കാന്‍ സുന്നി മഹല്ല് ഫെഡറേഷന്‍ സംസ്ഥാന കമ്മിറ്റി തീരുമാനിച്ചു. ദേശീയ പ്രതിനിധി സംഗമത്തിന്റെ സമാപന സമ്മേളനത്തില്‍ സമസ്ത പ്രസിഡന്റ് ജിഫ്‌രി മുത്തുക്കോയ തങ്ങളാണ് ഇക്കാര്യം പ്രഖ്യാപിച്ചത്.മഹല്ലുകളിലെ ആത്മീയ വിദ്യാഭ്യാസ സാമൂഹിക സാമ്പത്തിക മേഖലകളിലെ പ്രവര്‍ത്തനങ്ങള്‍ പരിഗണിച്ചായിരിക്കും അവാര്‍ഡ് നല്‍കുക.