.കല്‍പ്പറ്റ: മെയ് മൂന്നിന് കല്‍പ്പറ്റ യോഗക്ഷേമസഭ, ഉപസഭയുടെ ആഭിമുഖ്യത്തില്‍  ക്ഷേത്രം തന്ത്രിമാരെ  ആദരിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ശ്രേയാംസ് കുമാര്‍ ഉദ്ഘാടനം ചെയ്യും. യോഗത്തില്‍ ജില്ലാ യോഗക്ഷേമസഭാ സെക്രട്ടറി മരങ്ങാട് കേശവന്‍ നമ്പൂതിരി അധ്യക്ഷനാവും. മലബാര്‍ ദേവസ്വം ബോര്‍ഡ് അംഗങ്ങളായ അനന്തകൃഷ്ണ ഗൗഡര്‍, സരള ടീച്ചര്‍ എന്നിവര്‍ തന്ത്രികളെ ആദരിക്കും. ഉത്തരമേഖല സെക്രട്ടറി ഉണ്ണികൃഷ്ണന്‍ നമ്പൂതിരി മുഖ്യപ്രഭാഷണം നടത്തും.  ശോഭാ ശ്രീധരന്‍, എം രാമന്‍, കാവേരി ഇല്ലം നാരായണന്‍ നമ്പൂതിരി, മോഹനന്‍ വട്ടവന, കറുകന്‍തോട് അജിത്ത് സ്വാമി, സംസ്ഥാന കൗണ്‍സില്‍ അംഗം ഈശ്വരന്‍ നമ്പൂതിരി, മോഹനന്‍ കോളിയാടി സംസാരിക്കും. പുതിയില്ലം ശങ്കരന്‍ എബ്രാന്തിരി മോഡറാറ്ററായി ആചാര്യസഭ രൂപീകരണവും നടക്കുമെന്നും ഭാരവാഹികള്‍ അറിയിച്ചു.
പ്രസിഡന്റ് രാധാകൃഷ്ണന്‍ നമ്പൂതിരി, പി. ഈശ്വരന്‍ നമ്പൂതിരി, മേക്കാട്ടില്‍ ശങ്കരന്‍ നമ്പൂതിരി, ഈശ്വരന്‍ നമ്പൂതിരി വാര്‍ത്താസമ്മേളനത്തില്‍ പങ്കെടുത്തു.