കക്കട്ടില്‍: നരിപ്പറ്റ പഞ്ചായത്തിലെ അഞ്ച് വാര്‍ഡുകളിലൂടെ കടന്നു പോകുന്ന കണ്ടോത്ത് കുനി - താഴെ നരിപ്പറ്റ തോട് ശുചീകരണത്തിന്റെ ഒന്നാം ഘട്ടം തുടങ്ങി.
തോട് ആരംഭിക്കുന്ന പന്ത്രണ്ടാം വാര്‍ഡിലെ ചോലങ്ങാട്ട് താഴമുതല്‍ മഞ്ചാം കണ്ടി എല്‍.പി സ്‌കൂള്‍ വരെയുള്ള ഭാഗമാണ് വെള്ളിയാഴ്ച കാലത്ത് ശുചീകരിച്ചത്.
സ്ത്രീകളും കുട്ടികളും ഉള്‍പ്പെടെ പങ്കെടുത്ത ശുചീകരണ പ്രവൃത്തിക്ക് വാര്‍ഡ് അംഗം വി.കെ.ബീന, കണ്‍വീനര്‍ പി.കെ. മനോജ് ,സി എച്ച്.രാജന്‍ നേത്യത്വം നല്‍കി.
ജീവജലം കാക്കാന്‍ കൈകോര്‍ക്കാം എന്ന മുദ്രാവാക്യവുമായി സാമൂഹ്യ വിഹാരകേന്ദ്രം, ഗ്രന്ഥശാല യുവ വേദിയാണ് 11, 12, 13,14,15, വാര്‍ഡുകളിലെ കിണറുകളിലെ ജലനിരപ്പ് നിയന്ത്രിക്കുന്ന തോട് സംരക്ഷിക്കാന്‍ രംഗത്തിറങ്ങിയത്.
വാര്‍ഡ് വികസന സമിതികള്‍, കുടുംബശ്രീ, സാമൂഹ്യ സാംസ്‌കാരിക സംഘടനകള്‍ എന്നിവയുടെ സഹായത്തോടെ യാണ് പദ്ധതി നടപ്പാക്കുന്നത്.
രണ്ടാം ഘട്ട ശുചീകരണം ഞായറാഴ്ച കാലത്ത് 8 മണി മുതല്‍ തുടങ്ങും.
 മുന്‍ ഗ്രാമ പഞ്ചായത്ത് അംഗം ടി.മുഹമ്മദ ലി(ചെയര്‍മാന്‍, പി.കെ. മനോജ്, ചങ്ങരോത്ത് ഹമീദ്, ഒ.വിനോദന്‍
വൈസ്.ചെയര്‍മാന്‍ രഗില്‍ യു.കെ (കണ്‍വീനര്‍ എന്നിവര്‍ ഭാരവാഹികളായ കമ്മിറ്റിയാണ് പരിപാടിക്ക് നേതൃത്വം കൊടുക്കുന്നത്.