തൊടുപുഴ:  സി.ഐ.ടി.യു.വില്‍ അഫിലിയേറ്റ് ചെയ്തിട്ടുള്ള  തൊഴിലാളി സംഘടനകളുടെ ആഭിമുഖ്യത്തില്‍ നാളെ മെയ്ദിനറാലി  നടക്കും. റാലിക്ക് മുന്നാടിയായുള്ള വിവിധ കായികമത്സരങ്ങള്‍ പൂര്‍ത്തിയായി.  തൊടുപുഴ-പാലാ  റോഡില്‍ കെ.എസ് കൃഷ്ണപിള്ള സ്മാരകമന്ദിരത്തിന് സമീപത്തുനിന്നാണ്  വൈകിട്ട് നാലിന് റാലി ആരംഭിക്കുന്നത്. തൊഴിലാളിസംഘടനകളും  അവരുടെ കുടുംബാംഗങ്ങളും  അതത് യൂണിയനുകളുടെ ബാനറിന് കീഴില്‍  റാലിയില്‍ അണിനിരക്കും. തുടര്‍ന്ന് മുനിസിപ്പല്‍ മൈതാനത്ത് ചേരുന്ന  പൊതുസമ്മേളനം സി.ഐ.ടി.യു സസ്ഥാന വൈസ് പ്രസിഡന്റ് കെ.കെ ജയചന്ദ്രന്‍  ഉദ്ഘാടനം ചെയ്യും.