ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ കാര്‍ഡിഫ് സിറ്റിക്ക് ജയം. എതിരില്ലാത്ത രണ്ട് ഗോളുകള്‍ക്ക് ബ്രൈറ്റണിനെയാണ് അവര്‍ തകര്‍ത്തത്. പട്ടികയിലെ 17ാം സ്ഥാനക്കാരും 18ാം സ്ഥാനക്കാരും തമ്മില്‍ നടന്ന മത്സരത്തില്‍ ബ്രൈറ്റണ്‍ മികച്ച പ്രകടനം കാഴ്ചവച്ചെങ്കിലും ഗോള്‍ മാത്രം നേടാനായില്ല. 64 ശതമാനം പന്ത് കൈവശം വച്ച് കളിച്ച ബ്രൈറ്റണിന് ഫിനിഷിങ്ങിലെ പോരായ്മ വിനയായി. 22ാം മിനിട്ടില്‍ നഥാനിയല്‍ മെന്‍ഡസും 50ാം മിനിട്ടില്‍ സീന്‍ മോറിസണും കാര്‍ഡിഫ് സിറ്റിക്ക് വേണ്ടി ഗോള്‍ നേടി.