പാലക്കാട് : തത്തമംഗലം  അങ്ങാടിവേല എഴുന്നെള്ളിപ്പിന് കൊണ്ട് വന്ന  ആന ഇടഞ്ഞു. സമീപത്തു നിര്‍ത്തിയിരുന്ന കാറും രണ്ടു ബൈക്കുകളും തകര്‍ത്തു.  
ചെത്തല്ലൂര്‍ മുരളീകൃഷ്ണന്‍ എന്ന ആനയാണ് ഇടഞ്ഞത്. ഇന്നലെ വൈകീട്ട് മൂന്നരക്കാണ് സംഭവം. അരങ്ങം റോഡില്‍ നിര്‍ത്തിയിരുന്ന ആനക്ക് വെള്ളം നല്‍കാത്തതിനെ തുടര്‍ന്നാണ് ഇടഞ്ഞതെന്ന് പറയുന്നു. ഉടമ ബാബു എത്തിയാണ് തളച്ചത്.  
ഇതിനിടയില്‍ എഴുന്നെള്ളിപ്പിനായി കൊണ്ടുവന്ന തെച്ചിക്കോട്ടുകാവ് രാമചന്ദ്രനെ കൃത്യമായ രേഖകള്‍ ഇല്ലാതിനാല്‍ എ.എസ് .പി.പൂങ്കുഴലി പരിശോധന നടത്തി തിരിച്ചയച്ചു. കേരളത്തില്‍ തലയെടുപ്പുള്ള ആനയാണ് രാമചന്ദ്രന്‍. 45ആനകളാണ് വേലയില്‍ പങ്കെടുത്തത്.