കല്‍പ്പറ്റ: വര്‍ഗീയതക്കും അക്രമ രാഷ്ട്രീയത്തിനുമെതിരേ യു.ഡി.എസ്.എഫ് വയനാട് പാര്‍ലമെന്റ് മണ്ഡലം കമ്മിറ്റിയുടെ നേതൃത്വത്തില്‍ നടത്തുന്ന പ്രചാരണ ജാഥക്ക് തുടക്കമായി. ജാഥയുടെ ഭാഗമായി അക്രമ രാഷ്ട്രീയത്തിനെതിരെ സന്ദേശമുയര്‍ത്തിക്കൊണ്ടുള്ള ഫ്‌ളാഷ് മോബ്, രാഷ്ട്രീയ സന്ദേശ ഗാനം എന്നിവയും അവതരിപ്പിക്കുന്നുണ്ട്. ജാഥയുടെ ഉദ്ഘാടനം കല്‍പ്പറ്റയില്‍ യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ജാഥാ നായകന്‍ എം.എസ്.എഫ് സംസ്ഥാന ജന.സെക്രട്ടറി എം.പി നവാസിന് പതാക കൈമാറി നിര്‍വഹിച്ചു. യൂത്ത് ലീഗ് സംസ്ഥാന വൈസ് പ്രസിഡന്റ് പി. ഇസ്മായില്‍, കെ.എസ്.യു സംസ്ഥാന വൈസ് പ്രസിഡന്റ് ജഷീര്‍ പള്ളിവയല്‍, ഡല്‍ഹി കെ.എം.സി.സി പ്രസിഡന്റ് അഡ്വ. ഹാരിസ് ബീരാന്‍, എ.എസ് ഹലീം, യൂത്ത് ലീഗ് ജില്ലാ പ്രസിഡന്റ് കെ. ഹാരിസ്, എം.എസ്.എഫ് ജില്ലാ പ്രസിഡന്റ് മുനീര്‍ വടകര, സംസ്ഥാന കമ്മിറ്റിയംഗങ്ങളായ പി.പി ഷൈജല്‍, ഹക്കീം വി.പി.സി, ഫായിസ് തലക്കല്‍, നിഷാദ് വെള്ളമുണ്ട, റിന്‍ഷാദ് മില്ല്മുക്ക് സംബന്ധിച്ചു.വിവിധ കേന്ദ്രങ്ങളില്‍ അന്‍വര്‍ സാദത്ത് എം.എല്‍.എ, മുന്‍ മന്ത്രി പി.കെ ജയലക്ഷ്മി, പി.വി.എസ് മൂസ, ഹുസൈന്‍ കുഴിനിലം, അജ്മല്‍ ആറുവാള്‍, റിഷാദ് കോറോം, അസറുദ്ദീന്‍ കല്ലായ് സംബന്ധിച്ചു.