ആര്‍പ്പൂക്കര: കാഴ്ചശക്തിയില്ലാത്ത ലോട്ടറി വില്‍പനക്കാരില്‍ നിന്ന് ലോട്ടറി ടിക്കറ്റ് മോഷ്ടിച്ചു. മെഡിക്കല്‍ കോളജ് ആശുപത്രി പരിസരത്ത് ലോട്ടറി വില്‍പന നടത്തുന്ന അന്ധരായ സ്ത്രീകളുടെ കൈയില്‍ നിന്നാണ് ടിക്കറ്റ് മോഷ്ടിച്ചത്.
കഴിഞ്ഞ  തിങ്കള്‍, ചൊവ്വ, വെള്ളി  ദിവസങ്ങളില്‍ 34, 24, 5 ടിക്കറ്റുകളാണ് മോഷ്ടിക്കപ്പെട്ടത്.
തിരുവല്ല സ്വദേശിനി സൂസമ്മ, കാഞ്ഞിരപ്പള്ളി സ്വദേശി കുഞ്ഞുമോള്‍ എന്നിവരുടെ കൈവശമുണ്ടായിരുന്ന ലോട്ടറിയാണ് മോഷ്ടിക്കപ്പെട്ടത്.
തീര്‍ത്തും അന്ധരായ ഇവര്‍ അല്‍പം കാഴ്ചശക്തിയുള്ള മറ്റൊരു  യുവതിയെ കൂട്ടിയാണ് ടിക്കറ്റ് വില്‍പന നടത്തുന്നത്. മെഡിക്കല്‍ കോളജ് രക്ത ബാങ്കിന് സമീപം കേന്ദ്രീകരിച്ചാണ് വില്‍പന.
ടിക്കറ്റ് വാങ്ങനെന്ന പേരില്‍ ഇവരുടെ കൈവശമുള്ള ടിക്കറ്റ് മുഴുവന്‍ വാങ്ങി തെരഞ്ഞു നോക്കിയശേഷം മുഴുവന്‍ ടിക്കറ്റും കൊണ്ടുപോകുകയാണ് പതിവ്. വിവിധ യൂനിയനുകളുടെ അംഗീകാരത്തോടെയാണ് മെഡിക്കല്‍ കോളജ് പരിസരത്ത് ലോട്ടറി വില്‍പന നടത്തുന്ന്. ഇവരില്‍ കൂടുതല്‍ പേരും ഭിന്നശേഷിക്കാരാണ്. ഇതിന് മുമ്പ് നമ്പര്‍ തിരുത്തി പണംകൈപ്പറ്റിയ സംഭവവുമുണ്ടായിട്ടുണ്ട്. ഇവര്‍ പൊലിസില്‍ പരാതി നല്‍കി.