തൃശൂര്‍: തൃശൂര്‍ പൂരം വെടിക്കെട്ടിന്റെ വെടിക്കോപ്പുകള്‍ തയാറാക്കുന്നതിന് നിബന്ധനകളോടെ അനുമതി നല്‍കിയതായി ജില്ലാ കലക്ടര്‍ ഡോ.എ കൗശിഗന്‍ അറിയിച്ചു.
പൊട്ടാസ്യം, ക്ലോറേറ്റ് തുടങ്ങിയ നിരോധിത രാസവസ്തുക്കള്‍ ഉപയോഗിക്കാന്‍ പാടില്ല. 2008 ലെ ചട്ടങ്ങളില്‍ പരാമര്‍ശിച്ചിട്ടുളളതില്‍ കൂടുതല്‍ ശബ്ദമുളള പടക്കങ്ങള്‍ ഉപയോഗിച്ച് വെടിക്കെട്ട് നടത്താന്‍ പാടില്ല. നാഗ്പൂര്‍ പെസോ (പി.ഇ.എസ്.ഒ) ജോയിന്റ് ചീഫ് എക്‌സ്‌പ്ലോസീവ്‌സ് കണ്‍ട്രോള്‍ ഓഫിസില്‍ നിന്ന് ലഭിച്ചിട്ടുളള നിര്‍ദേശങ്ങള്‍ പൂര്‍ണമായും പാലിച്ച് വെടിക്കെട്ട് നടത്തുന്നതിനുളള അനുമതിയാണ് നല്‍കുന്നത്.
കേന്ദ്രസംഘം പൂരം വെടിക്കെട്ട് നിരീക്ഷിക്കാന്‍ ഇക്കുറി ഉണ്ടാകുമെന്നും കലക്ടര്‍ പറഞ്ഞു.