പെരിന്തല്‍മണ്ണ: മലപ്പുറം ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടിയുടെ പെരിന്തല്‍മണ്ണ മണ്ഡലം പര്യടനത്തിന് സമാപനം. മൂന്ന് ഘട്ടങ്ങളിലായി നടത്തിയ പര്യടനം ഇന്നലെ ഉച്ചയോടെസമാപിച്ചു. ഇന്നലെ പെരിന്തല്‍മണ്ണ നഗരസഭയിലും താഴെക്കോട് പഞ്ചായത്തിലുമായിരുന്നു പര്യടനം.
അമ്മിനിക്കാട് തെരഞ്ഞെടുപ്പ് സ്വീകരണത്തിന് എത്തിയ മുസ്‌ലിം ലീഗ് ദേശീയ പ്രസിഡന്റ് ഖാദര്‍ മൊയ്തീന്‍, തമിഴ്‌നാട് രാമനാഥപുരം മുസ്‌ലിം ലീഗ് സ്ഥാനാര്‍ഥി മുഹമ്മദ് ഗനി എന്നിവര്‍ വോട്ടര്‍മാരെ അഭിവാദ്യം ചെയ്തു. രാവിലെ 9.30ന് കളത്തിലക്കരയില്‍ നിന്നും പര്യടനം ആരംഭിച്ചു. തുടര്‍ന്ന് വളയംമൂച്ചി, എരവിമംഗലം, കോവിലകംപടി, കുട്ടിപ്പാറ, മാനത്തുമംഗലം, വലിയങ്ങാടി, ജൂബിലി റോഡ്, അമ്മിനിക്കാട് കുന്നുമ്മല്‍, താഴെക്കോട് കാപ്പുമുഖം, വില്ലേജ്, താഴെക്കോട് ടൗണ്‍, മുതിരമണ്ണ, കാപ്പ്പറമ്പ്, കരിങ്കല്ലത്താണി, മുതുക്കുംപുറം, മാടാംമ്പാറ, പുത്തൂര്‍, പുല്ലരിക്കോട് എന്നിവിടങ്ങളില്‍ പര്യടനം നടത്തി 55ാം മൈലില്‍ സമാപിച്ചു.
മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, മഞ്ഞളാംകുഴി അലി എം.എല്‍.എ, മണ്ഡലം യു.ഡി.എഫ് ചെയര്‍മാന്‍ സി. സേതുമാധവന്‍, നാലകത്ത് സൂപ്പി, മണ്ഡലം യു.ഡി.എഫ് കണ്‍വീനര്‍ അഡ്വ. എസ്. അബ്ദുല്‍സലാം, മണ്ഡലം മുസ്‌ലിം ലീഗ് പ്രസിഡന്റ് അഡ്വ. എ.കെ മുസ്തഫ, വി. ബാബുരാജ്, പി.കെ മുഹമ്മദ് കോയ തങ്ങള്‍, എ.കെ നാസര്‍, സി. സുകുമാരന്‍, കളപ്പാടന്‍ ഹുസൈന്‍, താമരത്ത് ഉസ്മാന്‍, എം.എം സക്കീര്‍ ഹുസൈന്‍, കെ.എച്ച്. അബു, പി.പി തങ്കച്ചന്‍, കൊളക്കാടന്‍ അസീസ്, ടി.കെ സദഖ, അഡ്വ. രാജേന്ദ്രന്‍, കെ.വി ജോര്‍ജ്, റിയാസ് പുല്‍പറ്റ, സുബൈര്‍ വെട്ടത്തൂര്‍, സിദ്ദീഖ് വാഫി സംസാരിച്ചു.
പെരിന്തല്‍മണ്ണ നഗരസഭയില്‍ എ.ആര്‍ ചന്ദ്രന്‍, പത്തത്ത് ജാഫര്‍, ഹബീബ് മണ്ണേങ്ങല്‍, പച്ചീരി സുബൈര്‍, ചേരിയില്‍ മമ്മി, കിഴിശ്ശേരി ബാപ്പു, പച്ചീരി ഫാറൂഖ്, താമരത്ത് ഉസ്മാന്‍, എം.ബി ഫസല്‍ മുഹമ്മദ് തുടങ്ങിയവര്‍ നേതൃത്വം നല്‍കി. താഴെക്കോട് പഞ്ചായത്തില്‍ പി. പത്മനാഭന്‍, വി.പി. റഷീദ് മാസ്റ്റര്‍, പി.ടി. ഖാലിദ് മാസ്റ്റര്‍, വി.പി. ഹാരിസ്, ജാഫര്‍ മാസ്റ്റര്‍ എന്നിവര്‍ നേതൃത്വം നല്‍കി.