ചാരുംമൂട്: ഒന്നര കിലോ കഞ്ചാവുമായി ഒഡിഷ സ്വദേശിയെ നൂറനാട് എക്‌സൈസ് സംഘം അറസ്റ്റ് ചെയ്തു.
ഒഡിഷ സ്വദേശി ബസന്ത് മാലിയെ (24) ആണ് നൂറനാട് ലെപ്രസി സാനിട്ടോറിയത്തിന് സമീപത്തു നിന്നും വെള്ളിയാഴ്ച രാത്രി അറസ്റ്റ് ചെയ്തത്. തെരഞ്ഞെടുപ്പിന്റെ ഭാഗമായി നടക്കുന്ന പരിശോധനയ്ക്കിടെ രഹസ്യവിവരത്തെ തുടര്‍ന്നായിരുന്നു അറസ്റ്റ്. കഴിഞ്ഞ കുറെ നാളുകളായി ഒഡീഷ്യയില്‍ നിന്നും ഇയാള്‍ കഞ്ചാവുകടത്തി കേരളത്തില്‍ വില്ലന നടത്തി വരികയാണെന്ന് എക്‌സൈസ് ഉദ്യോഗസ്ഥര്‍ പറഞ്ഞു. റെയ്ഞ്ച് ഓഫിസര്‍ വി.രാധാകൃഷ്ണപിള്ള, പ്രിവന്റീവ് ഓഫീസര്‍ കെ.പി. പ്രമോദ്, സിവില്‍ എക്‌സൈസ് ഓഫീസര്‍മാരായ ബി.പ്രവീണ്‍, കെ.സുരേഷ് കുമാര്‍, യു. അനു, ജി.ശ്യാം, ആര്‍.പ്രകാശ്, എസ്.സുരേഷ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്.