കയ്പമംഗലം: പ്രവര്‍ത്തകരില്‍ ആവേശം വിതറി തീരദേശത്ത് ഇന്നസെന്റിന്റെ റോഡ് ഷോ. ചാലക്കുടി മണ്ഡലത്തിന്റെ അതിര്‍ത്തി പ്രദേശമായ ചെന്ത്രാപ്പിന്നി സെന്ററില്‍ നിന്നും രാവിലെ എട്ടേകാലോടെ ആരംഭിച്ച റോഡ് ഷോ സംവിധായകന്‍ കമല്‍ ഫ്‌ളാഗ് ഓഫ് ചെയ്തു.
തുറന്ന ജീപ്പില്‍ വോട്ടര്‍മാരെ അഭിവാദ്യം ചെയ്ത് മുന്നോട്ട് നീങ്ങിയ ഇന്നസെന്റിനെ നിരവധി ബൈക്കുകളിലായി സ്ഥാനാര്‍ഥിയുടെ ചിത്രം പതിച്ച ടീ ഷര്‍ട്ടും കൊടികളുമായി പ്രവര്‍ത്തകര്‍ അനുഗമിച്ചു.
നേതാക്കളും പ്രവര്‍ത്തകരുമുള്‍പ്പെടെ നൂറുകണക്കിനാളുകള്‍ പങ്കെടുത്തു.
ഒന്‍പത് മണിയോടെ കയ്പമംഗലം നിയോജകമണ്ഡലം പിന്നിട്ട പര്യടനം കൊടുങ്ങല്ലൂര്‍ മണ്ഡലത്തില്‍ പ്രവേശിച്ചു.
ചാലക്കുടി പാര്‍ലമെന്റ് മണ്ഡലം മുഴുവനായും പര്യടനം നടത്തിയ റോഡ് ഷോ രാത്രി അങ്കമാലില്‍ സമാപിച്ചു.
ചെന്ത്രാപ്പിന്നിയില്‍ നടന്ന ഉദ്ഘാടനം ചടങ്ങില്‍ ഇ.ടി ടൈസണ്‍ എം.എല്‍.എ, വി.ആര്‍ സുനില്‍കുമാര്‍ എം.എല്‍.എ, കെ. ചന്ദ്രന്‍പിള്ള, പി.എം അഹമ്മദ്, പി.കെ ചന്ദ്രശേഖരന്‍, പി.കെ ഡേവിസ് തുടങ്ങിയവര്‍ പങ്കെടുത്തു.