പെരിയ: ധീരജവാന്മാരുടെ ഛായാചിത്രം കേന്ദ്ര സര്‍വകലാശാല  വൈസ് ചാന്‍സലര്‍ ഏറ്റുവാങ്ങി. കേന്ദ്രമാനവ വിഭവശേഷി മന്ത്രായത്തിന്റെ നേതൃത്വത്തില്‍ ഡല്‍ഹിയിലെ നാഷണല്‍ മീഡിയ സെന്റര്‍ ഓഡിറ്റോറിയത്തില്‍ നടന്ന ചടങ്ങിലാണു വൈസ് ചാന്‍സലര്‍ പ്രൊഫ. (ഡോ.) ജി. ഗോപകുമാര്‍  കേന്ദ്ര മാനവവിഭവശേഷി വികസന വകുപ്പ് മന്ത്രി പ്രകാശ്ജാവേദ്കറില്‍ നിന്നു 'വാള്‍ഓഫ്ഹീറോസ്' ചിത്രങ്ങള്‍ ഏറ്റുവാങ്ങിയത്. മാതൃരാജ്യത്തിന്റെ സുരക്ഷിതത്വത്തിനുവേണ്ടി സ്വന്തം ജീവന്‍ ബലി അര്‍പ്പിച്ച പരമവീര്‍ചക്ര ബഹുമതിലഭിച്ച ധീര ജവാന്‍മാരുടെ ഛായാചിത്രങ്ങളാണ് വാള്‍ ഓഫ ്ഹീറോസില്‍ ആലേഖനം ചെയ്യപ്പെട്ടിരിക്കുന്നത്. ധീരജവാന്മാരെ പുതുതലമുറയ്ക്കു പരിചയപ്പെടുത്തുന്നതിനും അവരില്‍ ദേശാഭിമാനം ഉണര്‍ത്തുന്നതിനുമായി രാജ്യത്തെ കോളജുകളിലും സര്‍വകലാശാലകളിലും എല്ലാവര്‍ക്കും കാണത്തക്ക വിധത്തില്‍ വാള്‍ ഓഫ് ഹീറോസ ്ചിത്രങ്ങള്‍ പ്രദര്‍ശിപ്പിക്കുന്നതിനുള്ള മുന്നോടിയായിട്ടാണ് മാനവ വിഭവശേഷി മന്ത്രാലയം ഈ ചടങ്ങ് സംഘടിപ്പിച്ചത്.