കല്‍പ്പറ്റ: സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡിന്റെ അഞ്ച്, ഏഴ്, പത്ത്, പ്ലസ്ടു ക്ലാസുകളിലേക്കുള്ള പൊതുപരീക്ഷ നാളെ മുതല്‍ വിവിധ കേന്ദ്രങ്ങളിലായി നടക്കും.
 223151 വിദ്യാര്‍ഥികളാണ് സംസ്ഥാനത്തിനകത്തും പുറത്തും ഗള്‍ഫ് രാജ്യങ്ങളിലുമായി പരീക്ഷക്കിരിക്കുന്നത്. വയനാട്, നീലഗിരി ജില്ലയില്‍ ഏഴ് ഡിവഷനുകളിലായി ആകെ 9480 കുട്ടികളാണ് ഈ വര്‍ഷത്തെ പൊതു പരീക്ഷയെഴുതുന്നത്. വയനാട്ടില്‍ 254 സെന്ററുകളിലായി അഞ്ചാംതരത്തില്‍ 3716ഉം ഏഴാംതരത്തില്‍ 3042ഉം 10ാംതരത്തില്‍ 1284ഉം പ്ലസ്ടുവില്‍ 54 കുട്ടികളുമാണ് പരീക്ഷ എഴുതുന്നത്.
നീലഗിരി ജില്ലയില്‍ അഞ്ചാം ക്ലാസില്‍ 623ഉം ഏഴാം ക്ലാസില്‍ 491ഉം പത്താം ക്ലാസില്‍ 249ഉം പ്ലസ്ടുവില്‍ 21 വിദ്യാര്‍ഥികളുമാണ് പരീക്ഷയെഴുതുന്നത്. വയനാട്ടില്‍ അഞ്ചാംതരത്തില്‍ 1895 ആണ്‍കുട്ടികളും 1821 പെണ്‍കുട്ടികളും ഏഴാംതരത്തില്‍ 1469 ആണ്‍കുട്ടികളും 1573 പെണ്‍കുട്ടികളും പത്താംതരത്തില്‍ 589 ആണ്‍കുട്ടികളും 695 പെണ്‍കുട്ടികളും പ്ലസ്ടുവില്‍ 18 ആണ്‍കുട്ടികളും 36പെണ്‍കുട്ടികളും നീലഗിരിയില്‍ അഞ്ചാംതരത്തില്‍ 301 ആണ്‍കുട്ടികളും 322 പെണ്‍കുട്ടികളും ഏഴാംതരത്തില്‍ 233 ആണ്‍കുട്ടികളും 258 പെണ്‍കുട്ടികളും പത്താംതരത്തില്‍ 101 ആണ്‍കുട്ടികളും 148 പെണ്‍കുട്ടികളും പ്ലസ്ടുവില്‍ 11 ആണ്‍കുട്ടികളും 10 പെണ്‍കുട്ടികളുമാണ് പരീക്ഷയെഴുതുന്നത്.
 പി.എ മുജീബ് റഹ്മാന്‍ ദാരിമി(ഗൂഡല്ലൂര്‍), സൈനുല്‍ ആബിദീന്‍ ദാരിമി(മാനന്തവാടി), മുസ്തഫ ദാരിമി കണ്ണത്ത്(പടിഞ്ഞാറത്തറ), കെ.കെ.എം ഹനീഫല്‍ ഫൈസി(പനമരം), അലി ഫൈസി ചേരമ്പാടി(സുല്‍ത്താന്‍ ബത്തേരി), ഉമര്‍ദാരിമി തലപ്പുഴ(മേപ്പാടി), എം.എം ഇമ്പിച്ചിക്കോയ മുസ്‌ലിയാര്‍(കല്‍പ്പറ്റ) എന്നിവരെ ഡിവിഷന്‍ സൂപ്രണ്ടുമാരായി നിയമിച്ചിട്ടുണ്ട്.