കാസര്‍കോട്: ചുട്ടു പൊള്ളുന്ന വെയിലത്ത് പറവകള്‍ക്ക് ആശ്വാസമായി മാലിക് ദീനാര്‍ കോളജ് ഓഫ് ഗ്രാജുവേറ്റ് സ്റ്റഡീസില്‍ തണ്ണീര്‍ക്കുടം പദ്ധതി കോളജ് പ്രിന്‍സിപ്പല്‍ ബി. ഉദയകുമാര്‍ ഉദ്ഘാടനം ചെയ്തു. കോളജ് കാംപസിലെ വിവിധ ഇടങ്ങളില്‍ മണ്‍പാത്രങ്ങളില്‍ വെള്ളം നിറച്ചാണ് തണ്ണീര്‍കുടങ്ങളൊരുക്കിയത്. അധ്യാപകരായ എസ്. ജനാര്‍ദ്ദന, സുരേഷ് കുമാര്‍, അരുണ്‍, ശ്രീരാജ്, വിദ്യാര്‍ഥികളായ ബാസില്‍, റിഷാല്‍, സിനാന്‍ നേതൃത്വം നല്‍കി.