പൊന്നാനി: പ്രളയബാധിതര്‍ക്കായി അതിജീവനത്തിന്റെ ചിത്രങ്ങള്‍ വില്‍പനക്ക്. ചിത്രകാരന്മരുടെ കൂട്ടായ്മയായ ചാര്‍ക്കോളും പൊന്നാനി നഗരസഭയും ചേര്‍ന്നാണ് എ.വി ഹൈസ്‌കൂളില്‍ ചിത്രങ്ങളുടെ വില്‍പന സംഘടിപ്പിച്ചിട്ടുള്ളത്. അതിജീവനത്തിന്റെ നിറങ്ങള്‍ വില്‍പ്പനക്കുവെച്ച് കിട്ടുന്ന തുക ദുരിതബാധിതരുടെ പുനരധിവാസ പ്രവര്‍ത്തനങ്ങള്‍ക്ക് ഉപയോഗിക്കുകയാണ് ചെയ്യുക. വില്‍പനക്കുവെച്ച സുന്ദരമായ ചിത്രങ്ങള്‍ ആര്‍ക്കും വാങ്ങാം. ഒപ്പം ദുരിതാശ്വാസ നിധിയിലേക്ക് കൈകോര്‍ക്കുകയും ചെയ്യാം.പ്രദര്‍ശനവും വില്‍പനയും ശനിയാഴ്ച സമാപിക്കും. ഈ ചിത്രങ്ങള്‍ സഹജീവികളുടെ ജീവിതവും നിറം പിടിപ്പിക്കുമെന്ന് ചിത്രകാരന്മാര്‍ അവകാശപ്പെടുന്നു.