ചണ്ഡീഗഢ്: നിയമസഭാ സമ്മേളനത്തിന് രണ്ടുദിവസം ശേഷിക്കെ ഹരിയാന മുഖ്യമന്ത്രി മനോഹര്‍ലാല്‍ ഖട്ടാറിന് കൊവിഡ് സ്ഥിരീകരിച്ചു. ഖട്ടാര്‍ തന്നെയാണ് ഇക്കാര്യം അറിയിച്ചത്. താനുമായി സമ്പര്‍ക്കം പുലര്‍ത്തിയവര്‍ അടിയന്തരമായി ക്വാറന്റൈനില്‍ പോകണമെന്ന് അദ്ദേഹം അഭ്യര്‍ഥിച്ചു. മൂന്ന് ദിവസമായി ഖട്ടാര്‍ ക്വാറന്റൈനിലായിരുന്നു. കേന്ദ്രമന്ത്രി ഗജേന്ദ്രസിങ് ഷെഖാവത്തിന് രോഗം സ്ഥിരീകരിച്ചതോടെയാണ് ഖട്ടാര്‍ ക്വാറന്റൈനില്‍ പോയത്. ഒരാഴ്ച മുന്‍പ് ഖട്ടാര്‍ കേന്ദ്രമന്ത്രിയുമായി കൂടിക്കാഴ്ച നടത്തിയിരുന്നു. 

നേരത്തെ സ്പീക്കര്‍ ഗ്യാന്‍ ചന്ദ് ഗുപ്തയ്ക്കും രണ്ട് ബി.ജെ.പി എം.എല്‍.എമാര്‍ക്കും കൊവിഡ് സ്ഥിരീകരിച്ചിരുന്നു.