കൊല്ലം: പോളയത്തോട് പൊതു ശ്മശാനത്തിന് സമീപത്തു നിന്നു  കഞ്ചാവും വിദേശമദ്യവുമായി  ഒരാള്‍ കൊല്ലം ഈസ്റ്റ് പൊലിസിന്റെ പിടിയിലായി. വശക്കേവിള വില്ലേജില്‍ മാടന്‍നട ഐശ്വര്യ നഗര്‍ 47 അനൗണ്‍സര്‍ ഭവനില്‍ ടോണി എന്ന് വിളിക്കുന്ന ഹബീബ്(52) ആണ് അറസ്റ്റിലായത്.
വില്‍പനക്കായി സൂക്ഷിച്ചിരുന്ന മൂന്നു ലിറ്റര്‍ ഇന്ത്യന്‍ നിര്‍മ്മിത വിദേശമദ്യവും 35 ഗ്രാം കഞ്ചാവും ഇയാളില്‍ നിന്നും കണ്ടെടുത്തു. തൊഴിലാളികളും, വിദ്യാര്‍ഥികളുമാണ് ഇടപാടുകാരെന്ന് ഇയാള്‍ പൊലിസിനോട് പറഞ്ഞു. ചെറു പൊതികളിലാക്കിയ കഞ്ചാവ് 500 രൂപക്കാണ് വില്‍പന നടത്തിയിരുന്നത്. ചില്ലറ വില്‍പനക്കായാണ് മദ്യം സൂക്ഷിച്ചിരുന്നതെന്നും പൊലിസ്  അറിയിച്ചു. പോളയത്തോട് ശ്മശാനവും പരിസരപ്രദേശങ്ങളും, കോളജ് ജങ്ഷന്‍ തുടങ്ങിയ സ്ഥലള്‍ കേന്ദ്രീകരിച്ചാണ് ഇയാള്‍ കഞ്ചാവ് വില്‍പന നടത്തിയിരുന്നത്. കൊല്ലം സിറ്റി പൊലിസ് കമ്മീഷണര്‍ സതീഷ് ബിനോയിക്ക്് ലഭിച്ച രഹസ്യ വിവരത്തിന്റെ അടിസ്ഥാനത്തില്‍  അസിസ്റ്റന്റ് കമ്മീഷണര്‍ കെ. ലാല്‍ജി, സെപ്ഷ്യല്‍ ബ്രാഞ്ച് അസിസ്റ്റന്റ് കമ്മിഷണര്‍ റെക്‌സ് ബോബി അര്‍വിന്‍, കൊല്ലം ഈസ്റ്റ് സി.ഐ  മഞ്ജുലാല്‍, എസ്.ഐ  ആര്‍. രാജേഷ്‌കുമാര്‍, കൊല്ലം സിറ്റി മയക്ക്മരുന്ന് വിരുദ്ധ സ്‌ക്വാഡിലെ അംഗങ്ങളായ വേണുഗോപാല്‍, അനന്‍ബാബു, മണികണ്ഠന്‍, സജു എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.  കോടതിയില്‍ ഹാജരാക്കിയ പ്രതിയെ  റിമാന്റ് ചെയ്തു.