തളിപ്പറമ്പ് : കഴിഞ്ഞ ദിവസം തളിപ്പറമ്പില്‍ നടന്ന മോഷണക്കേസില്‍ പ്രതിയായ തൊരപ്പന്‍ സന്തോഷ് പോലീസ് കസ്റ്റഡിയില്‍. തളിപ്പറമ്പ് നഗരത്തില്‍ വിവിധ സ്ഥലങ്ങളിലായി പത്തോളം കടകളില്‍ ഇയാള്‍ കവര്‍ച്ച നടത്തിയിരുന്നു.

മെയിന്‍ റോഡിലെ ഏഴ് കടകളിലും, ഏഴാംമൈലിലെ സൂപ്പര്‍മാര്‍ക്കറ്റിലും, മന്നയിലെ ഒരു കടയിലുമാണ് കവര്‍ച്ച നടന്നത്. മെയിന്‍ റോഡിലെ കടകളുടെ പൂട്ടുകള്‍ പൊളിച്ചാണ് മോഷണം നടത്തിയത്. ഏഴാം മൈലില്‍ ചോയ്‌സ് സൂപ്പര്‍മാര്‍ക്കറ്റില്‍ പിന്‍ഭാഗത്തെ ചുമര്‍ തുരന്നാണ് അകത്തു കടന്നത്. ശ്രീകണ്ടാപുരത്തെ സമുദ്ര ബിയര്‍ പാര്‍ലറില്‍ വച്ചാണ് ഇയാള്‍ പിടിയിലായത്. സന്തോഷിനോടൊപ്പം രണ്ടു കൂട്ടാളികളും പിടിയിലായി. ഇവരെ പോലീസ് ചോദ്യം ചെയ്തു വരുന്നു.