റിയാദ്: സഊദിയില്‍ പൈലറ്റ് പട്ടികയിലേക്ക് ഇനി വനിതകളും. സഊദി ജനറല്‍ അതോറിറ്റി ഓഫ് സിവില്‍ ഏവിയേഷന്‍ ആണ് അഞ്ചു വനിതകള്‍ക്ക് വിമാനം പറത്താനുള്ള ലൈസന്‍സ് അനുവദിച്ചത്. ദേശീയ വിമാനക്കമ്പനിയായ സഊദിയ പറത്താന്‍ ഇനി ഇവര്‍ രംഗത്തുണ്ടണ്ടാകും.
വ്യോമയാന മേഖലയില്‍ സഊദി വനിതകള്‍ക്ക് ജോലി ചെയ്യാന്‍ അവസരമൊരുക്കുകയെന്ന ലക്ഷ്യത്തോടെയാണ് കഴിവും ആത്മവിശ്വാസവും യോഗ്യതയുമുള്ള വനിതകള്‍ക്ക് ലൈസന്‍സ് അനുവദിച്ചതെന്ന് അന്താരാഷ്ട്ര സിവില്‍ ഏവിയേഷന്‍ ഓര്‍ഗനൈസേഷന്‍ (ഐ.സി.എ.ഒ) പറഞ്ഞു.
അടുത്തിടെ നിരവധി സഊദി വനിതകള്‍ സിവില്‍ ഏവിയേഷന്‍ മേഖലയില്‍ ജോലിയില്‍ പ്രവേശിച്ചിട്ടുണ്ടണ്ട്.