മറ്റത്തൂര്‍: ഇഞ്ചക്കുണ്ടില്‍ കാട്ടാനക്കൂട്ടം ഇറങ്ങി കൃഷി നശിപ്പിച്ചു. ആലോനിക്കല്‍ ബാബുവിന്റെ വീട്ട് വളപ്പിലെ പ്ലാവുകളില്‍നിന്ന് ചക്ക പറിച്ചു തിന്ന ആനകൂട്ടം ചെറിയ തെങ്ങുകളും കമുകുകളും വാഴകളും ചവിട്ടിയും ഓടിച്ചും നശിപ്പിച്ചു.
ഇയാളുടെ വീട്ട് മുറ്റത്തെ പ്ലാവില്‍ ഉണ്ടായിരുന്ന ചക്കകള്‍ വലിച്ചു താഴെയിട്ട ആനകള്‍ തൊട്ടടുത്തുണ്ടായിരുന്ന തൈത്തെങ്ങ് ഒടിച്ചു.
തുടര്‍ന്ന് മുല്ലക്കുന്നേല്‍ ബാബുവിന്റെ വീട്ടു വളപ്പ് വഴി മണ്ണാംതോട്ടത്തില്‍ ബാബുവിന്റെയും പാപ്പച്ചന്റെയും വനത്തിനോട് ചേര്‍ന്നുള്ള വേലികള്‍ ചവിട്ടി നശിപ്പിച്ച് വനത്തിലേക്ക് തന്നെ പോയി. ഇന്നലെ പുലര്‍ച്ചെ ആയിരുന്നു സംഭവം.