കലോട്ട്: യു.എസിലെ നോര്‍ത്ത് കരോലിന സര്‍വകലാശാലയിലുണ്ടായ വെടിവെപ്പില്‍ രണ്ട് മരണം. നാലു പേര്‍ക്ക് പരിക്ക്. രണ്ടു പേരുടെ നില ഗുരുതരമാണ്. വാര്‍ഷിക പരീക്ഷക്ക് മുമ്പായി ക്ലാസുകള്‍ അവസാനിച്ച ദിവസം ചൊവ്വാഴ്ച വൈകീട്ട് 5.45ന് സര്‍വകലാശാല കാമ്പസിലാണ് വെടിവെപ്പ് നടന്നത്.

വെടിവെപ്പുമായി ബന്ധപ്പെട്ട് ഒരാളെ കസ്റ്റഡിലെടുത്തിട്ടുണ്ട്. സര്‍വകലാശാലയിലെ കെന്നഡി ഹാള്‍ അഡ്മിനിസ്‌ട്രേറ്റീവ് ബില്‍ഡിങ്ങിലാണ് വെടിവെപ്പുണ്ടായത്.

വെടിവെപ്പിന്റെ പശ്ചാത്തലത്തില്‍ സര്‍വകലാശാലയുടെ പ്രവര്‍ത്തനങ്ങള്‍ താല്‍കാലികമായി നിര്‍ത്തിവെച്ചു. 30,000തോളം വിദ്യാര്‍ഥികളും 3000തോളം വരുന്ന ഫാക്കല്‍റ്റികളും ജീവനക്കാരും അടങ്ങുന്നതാണ് നോര്‍ത്ത് കരോലിന സര്‍വകലാശാല.