കോണ്‍ഗ്രസ് ജനറല്‍ സെക്രട്ടറി പ്രിയങ്കാ ഗാന്ധിയുടെ തെരഞ്ഞെടുപ്പ് പ്രചാരണ പരിപാടികള്‍ ഏറെ ശ്രദ്ധ പിടിച്ചുപറ്റിയാണ് മുമ്പോട്ടുപോകുന്നത്. പ്രചരണ പരിപാടിക്കിടെ പാമ്പുകളുമായി ഇടപെടുന്നതിന്റെ വീഡിയോയാണ് ഇപ്പോള്‍ വൈറലാവുന്നത്.

യു.പി.എ അധ്യക്ഷ സോണിയാ ഗാന്ധി മത്സരിക്കുന്ന റായ്ബറേലിയില്‍ പാമ്പാട്ടികളുടെ ഇടയിലാണ് പ്രിയങ്കയുടെ പെര്‍ഫോമന്‍സ്. പാമ്പുകളെ കൂളായി കയ്യില്‍ പിടിക്കുകയും പെട്ടിയില്‍ അടക്കുകയും ചെയ്യുന്നു. ഏതൊക്കെ പാമ്പുകളാണ് പെട്ടികളിലുള്ളതെന്ന് പരിശോധിക്കുന്ന പ്രിയങ്ക, ചെറിയൊരു പാമ്പിനെ കയ്യിലെടുക്കുകയും ചെയ്യുന്നുണ്ട്.

[video width="400" height="220" mp4="http://suprabhaatham.com/wp-content/uploads/2019/05/priyanka.mp4"][/video]

ചുറ്റും കൂടിയവര്‍ സൂക്ഷിക്കണമെന്ന് പറയുന്നുണ്ടെങ്കില്‍ 'ഇതൊന്നും ചെയ്യില്ലെ'ന്ന് പ്രിയങ്ക മറുപടി നല്‍കുന്നു.

പാമ്പുകളോട് കളിക്കുന്നത് അപകരമാണെന്നും കാണ്‍ഗ്രസ് അതു മനസിലാക്കണമെന്നും ചിലര്‍ വീഡിയോയ്ക്ക് കമന്റിട്ടിട്ടുണ്ട്. എന്നാല്‍ ഇതിലും വലിയ 'വിഷ പാമ്പുകളെ'യാണ് പ്രിയങ്ക തെരഞ്ഞെടുപ്പില്‍ നേരിടാന്‍ പോകുന്നതെന്നാണ് മറ്റൊരാള്‍ കമന്റിട്ടിരിക്കുന്നു.