കോഴിക്കോട്: സലഫി ലേണിങ് ആന്‍ഡ് റിസര്‍ച്ച് സെന്ററിന്റെ 30ാമത് സംസ്ഥാന സംഗമവും അവാര്‍ഡ് വിതരണവും നാളെ ടാഗോര്‍ ഹാളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. രാവിലെ 9.30 മുതല്‍ നടക്കുന്ന പരിപാടിയില്‍ വൈജ്ഞാനിക, സാംസ്‌കാരിക, അവാര്‍ഡ് വിതരണ സെഷനുകളാണ് നടക്കുക. അവാര്‍ഡ് വിതരണ സമ്മേളനം മന്ത്രി ടി.പി രാമകൃഷ്ണനും, വൈജ്ഞാനിക സമ്മേളനം സിറ്റി പൊലിസ് കമ്മിഷനര്‍ എ.വി ജോര്‍ജും സാംസ്‌കാരിക സമ്മേളനം എം.പി അബ്ദുസ്സമദ് സമദാനിയും ഉദ്ഘാടനം ചെയ്യും.
ഈ വര്‍ഷത്തെ പൊതുപരീക്ഷയില്‍ ഉന്നത വിജയം നേടിയവര്‍ക്കുള്ള സ്വര്‍ണ മെഡലുകള്‍ എ. പ്രദീപ് കുമാര്‍ എം.എല്‍.എ വിതരണം ചെയ്യും. വാര്‍ത്താസമ്മേളനത്തില്‍ എസ്.എല്‍.ആര്‍.സി ഡയരക്ടര്‍ കെ.വി അബ്ദുല്‍ ലത്തീഫ് മൗലവി, ഡോ. പി സലീം, മുഹമ്മദ് അഷ്‌റഫ്, ഉമ്മര്‍ കുട്ടി സി.ടി.പി, പി. ഹാറൂണ്‍ പങ്കെടുത്തു.