ചേളാരി: സാമൂഹ്യ സേവന രംഗത്ത് പ്രവാസികള്‍ ചെയ്യുന്ന പ്രവര്‍ത്തനങ്ങള്‍ വിലമതിക്കാനാവാത്തതാണെന്ന് സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു. സമസ്ത കേരള ജംഇയ്യത്തുല്‍ ഉലമായുടെ കീഴില്‍ സഊദി അറേബ്യയില്‍ പ്രവര്‍ത്തിക്കുന്ന എസ്.ഐ.സി യുടെ നാട്ടിലുള്ള പ്രവര്‍ത്തകരുടെ സംഗമം ചേളാരി സമസ്താലയത്തില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമസ്ത കേന്ദ്രമുശാവറ അംഗം എ.വി അബ്ദു റഹ്മാന്‍ മുസ്‌ലിയാര്‍ അധ്യക്ഷനായി. സമസ്ത ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ ഉപഹാര സമര്‍പ്പണം നടത്തി. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ മുഖ്യപ്രഭാഷണം നടത്തി.

മാനേജര്‍ കെ. മോയിന്‍കുട്ടി മാസ്റ്റര്‍, എസ്.ഐ.സി ചെയര്‍മാന്‍ അബൂബക്കര്‍ ഫൈസി ചെങ്ങമനാട്, വൈസ് ചെയര്‍മാന്‍ ഇസ്മാഈല്‍ ഹാജി ചാലിയം, വൈസ് പ്രസിഡന്റ് ഹാഫിള് ഉമറുല്‍ ഫാറൂഖ് മദീന, ഭാരവാഹികളായ സി.മുഹമ്മദലി, അബ്ദുസ്സമദ് പെരുമുഖം, മുഹമ്മദ് ഖമീഷ് മുശൈത്ത്, എന്‍.എം ബശീര്‍ ഫൈസി, കെ.എം മുസ്തഫ ബാഖവി, സയ്യിദ് ജാഫര്‍ സിദ്ദീഖ്, മാതാപ്പുഴ മുഹമ്മദ് കുട്ടി ഹാജി, മൊയ്തീന്‍ മീനാര്‍കുഴി, അബ്ദുല്‍ ജലീല്‍ പ്രസംഗിച്ചു. എസ്.ഐ.സി നാഷനല്‍ കമ്മിറ്റി ജനറല്‍ സെക്രട്ടറി അലവിക്കുട്ടി ഒളവട്ടൂര്‍ സ്വാഗതവും വൈസ് ചെയര്‍മാന്‍ സൈദ് ഹാജി മൂന്നിയൂര്‍ നന്ദിയും പറഞ്ഞു.